Onlayn ictimai-siyasi qəzet
UEFA elan etdi! “Qalatasaray” və daha 6 komanda pley-offa yüksəlməyi təmin edib
Klublar səviyyəsində Avropa futbolunun 2 nömrəli turnirində Türkiyəni təmsil edən komandalardan biri olan "Qalatasaray" son 6 həftəni 3 qələbə və 3 heç-heçə ilə başa vurub. Yoluna məğlubiyyətsiz davam edən sarı-qırmızılı komanda 12 xalla altıncı pillədə qərarlaşıb.
Musavat.com xəbər verir ki, UEFA-nın açıqlamasına görə, son 2 həftəyə daxil olan UEFA Avropa Liqasının liqa mərhələsində “Qalatasaray” riyazi olaraq ilk 24-lüyə daxil olmaqla pley-offda oynamağı təmin edib.
“Qalatasaray”dan başqa, İtaliyanın “Latsio”, İspaniyanın “Atletik Bilbao”, Belçikanın “Anderlext”, Fransanın “Olimpik Lion”, Almaniyanın “Ayntraxt Frankfurt” və İngiltərənin “Mançester Yunayted” klubları da növbəti mərhələyə keçidi təmin ediblər. Keçirdiyi 6 oyunun hamısında məğlub olan Kiyev "Dinamo"sunun növbəti mərhələyə yüksəlmək üçün riyazi şansı yoxdur. Ukrayna təmsilçisi turnirlə vidalaşan ilk komanda olub.
Sarı-qırmızılılar Avropa Liqasının geridə qalan 2 həftəsində 21 yanvar 2025-ci ildə evdə Ukrayna təmsilçisi “Dinamo Kiyev”lə, 30 yanvar 2025-ci ildə isə Hollandiya təmsilçisi "Ayaks"la səfərdə qarşılaşacaq.
Mövsümü ilk 8-likdə başa vuran komandalar birbaşa son 16 tura yüksələcək. 9-24-cü yerlər arasında olan komandalar son 16 tura vəsiqə qazanmaq üçün pley-offda çıxış etməli olacaqlar.
Musavat.com
XƏBƏR LENTİ
05 Aprel 2025
ŞƏRHLƏRŞƏRH YAZ