Onlayn ictimai-siyasi qəzet
Tramp rus oliqarxlara ABŞ vətəndaşlığı satacaq: bu qədər ödə “Qızıl Kart” al - VİDEO
ABŞ Prezidenti Donald Tramp yeni immiqrasiya təşəbbüsü – “Qızıl Kart” proqramını elan edib.
Musavat.com xəbər verir ki, bu proqram çərçivəsində ABŞ hökuməti 5 milyon dollar müqabilində xüsusi immiqrasiya kartları təqdim edəcək.
Trampın sözlərinə görə, bu yeni immiqrasiya modeli varlı və uğurlu insanları ABŞ-a cəlb edəcək:
“Biz “Qızıl Kart” satmağa hazırlaşırıq. Yaşıl kart var, amma bu – Qızıl Kartdır. Onun qiyməti təxminən 5 milyon dollar olacaq və sahibinə yaşıl kartın üstünlükləri ilə yanaşı, vətəndaşlığa aparan yolu da açacaq”.
Trampın fikrincə, bu təşəbbüs ölkəyə daha çox sərmayə cəlb edəcək və iqtisadiyyatın inkişafına töhfə verəcək:
“Bu proqram çərçivəsində ABŞ-a varlı və uğurlu insanlar gələcək. Onlar çoxlu pul xərcləyəcək, yüksək vergi ödəyəcək və yeni iş yerləri yaradacaqlar”.
Rus oliqarxlarına xüsusi mesaj: “Çox yaxşı insanlardır”
Tramp proqramın potensial alıcıları arasında rus oliqarxlarını da gördüyünü bildirib:
“Mən bəzi rus oliqarxlarını tanıyıram, onlar çox yaxşı insanlardır. Bəlkə də əvvəlki qədər varlı deyillər, amma düşünürəm ki, 5 milyon dollar tapmaq imkanları var”.
Trampın sözlərinə görə, bu proqram ölkənin büdcə çatışmazlığını aradan qaldırmaq üçün tətbiq olunan tədbirlərdən biridir.
Musavat.com
XƏBƏR LENTİ
28 Aprel 2025
ŞƏRHLƏRŞƏRH YAZ