Onlayn ictimai-siyasi qəzet
Suriyada üsyana qalxan Əsəd tərəfdarları ilə savaş davam edir - SON XƏBƏRLƏR
Musavat.com -un da xəbər verdiyi kimi, Suriyada son günlər siyasi və hərbi vəziyyət kəskinləşib. Suriya ordusu Laziqiyə şəhərində tam nəzarəti ələ keçirərək Bəşər Əsəd tərəfdarlarını bölgədən sıxışdırıb. Bu barədə Laziqiyə polis rəisi Al Jazeera telekanalına açıqlamasında bildirib.
Əsəd tərəfdarlarına qarşı əməliyyatların digər bölgələrdə də davam etdiyi qeyd olunur. Al Arabiya-nın məlumatına görə, Suriya Silahlı Qüvvələrinin əlavə bölmələri Rusiya hərbi hava bazasının yaxınlığında yerləşən Cəbla şəhərinə cəlb edilib. Məqsəd burada yerləşən Əsəd tərəfdarlarının müqavimətini tamamilə neytrallaşdırmaqdır.
Hökumət qüvvələri ilə Əsədin tərəfdarları arasında ən şiddətli döyüşlər Laziqiyə əyalətində yerləşən Kardaha şəhərində gedir. SANA xəbər agentliyi bildirir ki, toqquşmalar şəhər daxilində davam edir və hər iki tərəf ağır itkilər verib.
Laziqiyə təhlükəsizlik xidmətinin rəhbəri isə açıqlamasında son günlər Əsəd tərəfdarları ilə toqquşmalarda 50-dən çox suriyalı təhlükəsizlik qüvvəsi əməkdaşının həlak olduğunu deyib.
Bundan əlavə, Al-Ikhbaria telekanalı xəbər verir ki, Suriyanın yeni hakimiyyətinə tabe olan təhlükəsizlik qüvvələri artıq Tartus əyalətində yerləşən strateji liman şəhəri Baniyasa daxil olub. Bu, yeni hakimiyyətin Aralıq dənizi sahilindəki mühüm ərazilərə nəzarəti genişləndirmək niyyətində olduğunu göstərir.
Dmitri Peskov isə Kremlin mövqeyini açıqlayaraq, Suriyadakı Rusiya hərbi kontingentinin təhlükəsizliyinin lazımi səviyyədə təmin olunduğunu bildirib və ölkədəki vəziyyətin Moskvanın nəzarətində olduğunu vurğulayıb.
Suriyada baş verən son hadisələr ölkədəki hakimiyyət dəyişikliyi ilə bağlı gərginliyi artırır. Əsəd tərəfdarlarının müqavimətinin davam edəcəyi, yoxsa yeni hakimiyyətin tam nəzarəti ələ keçirəcəyi hələ ki, qeyri-müəyyən olaraq qalır.
Musavat.com
XƏBƏR LENTİ
29 Aprel 2025
ŞƏRHLƏRŞƏRH YAZ