Onlayn ictimai-siyasi qəzet
Slovakiya baş naziri: "Qaz tranzitinin dayandırılması Avropa üçün ağır olacaq"
Slovakiyanın baş naziri Robert Fitso Ukrayna üzərindən Avropaya qaz tranzitinin dayandırılmasının Avropa İttifaqı üçün çox ciddi iqtisadi və enerji təhlükəsizliyi problemlərinə yol açacağını vurğulayıb.
Musavat.com xəbər verir ki, Fitso bu addımın Avropada enerji qıtlığına səbəb ola biləcəyini və enerji qiymətlərinin artmasına gətirib çıxara biləcəyini bildirib.
"Bu qərar bizə, yəni Avropa İttifaqına çox ağır nəticələrə səbəb olacaq, amma Rusiyaya heç bir təsir etməyəcək. Rusiya öz qaz tədarüklərini başqa bazarlara yönəldə bilər, lakin Avropanın enerji təchizatı daha da çətinləşəcək," – deyə Fitso qeyd edib.
O həmçinin bildirib ki, Avropanın Rusiya qazından asılılığını azaltmaq üçün alternativ mənbələrə keçmək cəhdi artıq ciddi sınaqlarla üzləşir və qazın qiymətlərinin artması ilə bağlı narahatlıqlar artmaqdadır.
Fitso Avropada enerji böhranının həllinin yalnız ümumi bir əməkdaşlıq və hərtərəfli enerji strategiyası ilə mümkün olduğunu qeyd edib. O həmçinin Avropa İttifaqı daxilində bərpa olunan enerji mənbələrinə və daha effektiv enerji istifadəsinə yönəlik təşəbbüslərin sürətləndirilməsinin vacibliyini vurğulayıb.
XƏBƏR LENTİ
04 Yanvar 2025
ŞƏRHLƏRŞƏRH YAZ