Onlayn ictimai-siyasi qəzet
Səslər yenidən sayıldı, bu dəfə AKP qalib gəldi
Türkiyədə 31 martda keçirilən bələdiyyə seçkilərində Yenidən Rifah Partiyası (YRP) namizədinin qalib gəldiyi Bitlis vilayətinin Güroymak rayonunda hakim partiyanın etirazından sonra seçki komissiyası səslərin yenidən sayılmasına qərar verib.
Modern.az TRT-yə istinadən xəbər verir ki, buna səbəb YRP namizədinin cəmi 2 səs fərqi ilə qələbə çalması olub.
Belə ki, seçki nəticələrinə görə, AKP namizədi Eşref Mutlu 4 290, YRP namizədi Emrullah Yıldırım 4 292 toplamışdı. Üçüncü sıradakı DEM Partiya namizədi Mehmet Şirin Üncü isə 4 206 səs yığmışdı.
Etirazlardan sonra seçki komissiyası 14 107 seçicinin səs verdiyi 62 seçki məntəqəsində səslərin yenidən sayılmasına qərar verib.
Hesablama nəticəsində AKP namizədi Mutlunun səsi 13 vahid artaraq 4 313, YRP namizədi Yıldırımın səsi 5 vahid artaraq 4 min 297, DEM Partiya namizədi Üncünün səsi isə 15 vahid artaraq 4 221 olub.
Bu nəticələrə görə, AKP-nin Güroymak bələdiyyəsinin sədrliyinə namizədi Eşref Mutlu qalib olub.
XƏBƏR LENTİ
27 Noyabr 2024
26 Noyabr 2024
ŞƏRHLƏRŞƏRH YAZ