İnsanlara hürriyət, millətlərə istiqlal!

Səhiyyə Nazirliyi Ağdərə və Tərtər rayonlarında əhalinin ikigünlük kardioloji müayinələrini keçirib

İşğaldan azad olunan ərazilərə “Böyük Qayıdış” Proqramı çərçivəsində Səhiyyə Nazirliyinin akademik C.Abdullayev adına Elmi-Tədqiqat Kardiologiya İnstitutunun (ETKİ) tibb heyəti tərəfindən Ağdərə və Tərtər rayonlarında əhali üçün ikigünlük kardioloji müayinələr aparılıb.

Tədbirin əsas məqsədi vətəndaşları ürək-damar sistemi xəstəliklərinin qarşısının alınması, miokard infarktı riskinin erkən aşkarlanması və müvafiq müalicələrin təyin edilməsidir.

A healthcare setting with a nurse attending to a mother and child, while another woman observes. Medical paperwork is on the table.
A patient lies on a medical bed with monitoring equipment attached, while a healthcare worker stands nearby.
A medical team examines an elderly patient using ultrasound equipment in a bright, modern room.
A doctor in a white coat examines a patient using a stethoscope in a well-lit office.

Tədbirin ilk günündə Ağdərə rayonunun Suqovuşan qəsəbəsi və Talış kəndində tibbi müayinələr təşkil olunub.
Aksiya çərçivəsində ETKİ-nin kardioloqları, tibb bacısı və laboratoriya üzrə mütəxəssislərindən ibarət briqadası tərəfindən əhaliyə tibbi baxış aparılıb, ExoKQ, EKQ müayinələri keçirilib. Eyni zamanda, qanda şəkər, ekspres üsul ilə xolesterinin səviyyəsi müəyyən edilib. Bundan əlavə, müayinələr zamanı səhhətində problem aşkarlanan sakinlərə peşəkar tibbi məsləhətlər verilib və müvafiq müalicələr təyin olunub.
Müayinələrdən sonra sağlam həyat tərzinin təşviqi ilə bağlı, eyni zamanda, yüksək təzyiq və ürəktutma zamanı ilk tibbi yardımın göstərilməsinə dair Ağdərə ictimaiyyəti üçün maarifləndirici tədbir təşkil olunub.
Ətraflı təqdimatla çıxış edən Kardiologiya İnstitutun direktoru Gülnaz Dadaşova ürək-damar xəstəlikləri müasir tibbin ən aktual məsələlərindən biri olduğunu diqqətə çatdırıb. ETKİ-nin direktorunun sözlərinə görə, ürək xəstəliyi və insult üçün ən əhəmiyyətli davranış risk faktorlarına qeyri-sağlam qidalanma, fiziki aktivlik səviyyəsinin aşağı olması, siqaret və alkoqol kimi zərərli vərdişlər aiddir.
Eyni zamanda, tədbirdə yerli əhaliyə ürək-damar xəstəlikləri və onların profilaktikası haqqında faydalı məlumatlar verilib, iştirakçıları maraqlandıran suallar cavablandırılıb.
Növbəti gündə tibbi aksiya Tərtər rayonunda davam edib. Tədbir zamanı şəhid və veteran ailələri üçün ExoKQ, EKQ müayinələri, eyni zamanda rayon ictimaiyyəti üçün ürək sağlamlığl haqqında maarifləndirici tədbir təşkil olunub.
Ümumilikdə, iki gün davam edən aksiya zamanı 300-dən artıq vətəndaş müayinələrdən keçirilib.

Qeyd edək ki, Səhiyyə Nazirliyi tərəfindən işğaldan azad olunan digər ərazilərdə də davamlı olaraq maarifləndirici tədbirlərin və müayinə aksiyalarının keçirilməsi nəzərdə tutulub.

A healthcare professional checks a patient's blood pressure in a clinical setting.
A doctor in a white coat takes notes while talking to a patient in a casual setting.
A doctor examines a patient's ultrasound results on a computer while the patient lies on a bed, looking concerned.
A group of people stands in front of a sign for Sugovushan Recreation Park, with hills in the background.

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

22.11.2024 380

Kilo atarkən orqanizmdə baş verən inanılmaz PROSESLƏR
22.11.2024 355

Evdə dərman saxlayarkən bunlara DİQQƏT edin, yoxsa zəhər olar…
21.11.2024 200

Səhiyyə naziri Nizami Gəncəvi Beynəlxalq Mərkəzi və UNAIDS-in təşkilatçılığı ilə keçirilən “İİV və İqlim Dəyişikliyi üzrə Çərçivə Sənədi”nin təqdimatında çıxış edib

XƏBƏR LENTİ

23 Noyabr 2024

BÜTÜN XƏBƏRLƏR