Onlayn ictimai-siyasi qəzet
Rusiyanın iqtisadi artım sürəti 3 dəfə azalacaq
Trilyonlarla dollarlıq dövlət müdafiə sifarişləri ilə yüklənən Rusiya hərbi iqtisadiyyatı son ehtiyatlarını tükəndirməyə yaxındır.
Musavat.com xəbər verir ki, Beynəlxalq Valyuta Fondunun iqtisadçılarının proqnozlarına görə, 2025-ci ildən Rusiya ÜDM-nin artım tempi təxminən üç dəfə azalacaq və sonrakı illərdə də azalmağa davam edəcək.
Onların hesablamalarına görə, bu il Rusiya iqtisadiyyatı 3,6 faiz, gələn il isə cəmi 1,3 faiz artacaq. 2029-cu ilə qədər Rusiyada artım tempi 1,2 faizə qədər azalacaq.
BVF-nin hesablamalarına görə, gələn il Rusiya inkişaf etmiş ölkələrlə müqayisədə üçdə bir (1,8 faiz) və inkişaf etməkdə olan ölkələrdən (4,2 faiz) üç dəfə yavaş inkişaf edəcək. Rusiya iqtisadiyyatı Çindən 3,5 dəfə, Hindistandan isə 5 dəfə geri qalacaq.
BVF yazır ki, “kəskin yavaşlama” şəxsi istehlak və investisiya artımının yavaşlaması, həmçinin prezident Vladimir Putinin qeyd etdiyi 2,5 milyon işçi çatışmazlığı ilə nəticələnəcək. Bundan əlavə, fond neftin qiymətinin aşağı düşəcəyini proqnozlaşdırır - bu il orta hesabla bir barel üçün 81,29 dollardan gələn il 72,84 dollara qədər.
Musavat.com
XƏBƏR LENTİ
15 Noyabr 2024
14 Noyabr 2024
ŞƏRHLƏRŞƏRH YAZ