İnsanlara hürriyət, millətlərə istiqlal!

Rusiyadan Avropaya gedən qaz xəttini partladan ukraynalı İtaliyada həbs olundu - FOTO, VİDEO

İtaliyanın Bolonya şəhərində Almaniyanın tələbi ilə saxlanılan 49 yaşlı ukraynalı Sergey Kuznetsov məhkəmə qarşısına çıxarılıb.

Musavat.com xəbər verir ki, onun “Şimal axını” qaz kəmərlərinin partladılması əməliyyatının koordinasiyası ilə bağlı istintaqa cəlb edildiyi bildirilir.

Almaniyanın “Bild” nəşri yazır ki, İtaliya hüquq-mühafizə orqanları Kuznetsovu qandallı şəkildə məhkəmə binasına gətiriblər. Onun jurnalistlərə üç barmaqla — Ukrayna gerbindəki trizub bənzəri jest göstərməsi diqqət çəkib.

Məlumata görə, Sergey Kuznetsov Ukrayna Silahlı Qüvvələrinin istefada olan kapitanıdır. O, ailəsi ilə birlikdə istirahət üçün İtaliyaya səfər etdiyi vaxt Almaniyanın Avropa orderi əsasında saxlanılıb. Alman prokurorluğu onu “konstitusiya quruluşuna qarşı yönəlmiş diversiya” da daxil olmaqla, üç maddə üzrə ittiham etmək niyyətindədir. Əgər günahı sübuta yetirilərsə, ona 15 ilə qədər azadlıqdan məhrumetmə cəzası verilə bilər.

Bolonya Apellyasiya Məhkəməsi artıq Sergey Kuznetsovun həbsinə qərar verib. Ukraynalı şübhəli ittihamları qəbul etməyib və onların ana dilinə tərcümə edilməsini tələb edib. O, həmçinin ekstradisiyaya razı olmadığını bəyan edib və 2022-ci ildə baş vermiş partlayış zamanı Ukraynada olduğunu iddia edib.

Növbəti məhkəmə iclası 3 sentyabr tarixində keçiriləcək. Həmin prosesdə Kuznetsovun Almaniyaya təhvil verilib-verilməyəcəyi barədə qərar veriləcək.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

23.08.2025 124

Kadirov növbəti mükafata layiq görüldü
23.08.2025 214

Putin arzusunu açıqladı – “Mənim məqsədim sizin arzularınızın gerçəkləşməsidir”
23.08.2025 238

Putindən nüvə şousu: Trampı təriflədi, Qərbi hədəfə aldı - ŞOK AÇIQLAMALAR

XƏBƏR LENTİ

23 Avqust 2025

22 Avqust 2025

BÜTÜN XƏBƏRLƏR