Onlayn ictimai-siyasi qəzet
Rusiya və ABŞ Ukrayna məsələsində irəliləməyə hazırdır – Kreml açıqlama yaydı
Moskva və Vaşinqton Ukrayna münaqişəsinin həlli istiqamətində irəliləmək niyyətindədir.
Musavat.com xəbər verir ki, bu barədə Kremlin sözçüsü Dmitri Peskov açıqlama verib.
Onun sözlərinə görə, Rusiyanın ABŞ-la bu mövzuda müzakirə etməli olduğu hələ çox məsələ var.
Peskov həmçinin aşağıdakı məqamları vurğulayıb:
*Prezident Vladimir Putinin Donald Trampa verdiyi hədiyyə şəxsi xarakter daşıyır və detallar açıqlanmayacaq;
*Kreml Kiyevin enerji infrastrukturuna hücumlarını diqqətlə izləyir;
*Rusiya ordusu enerji obyektlərinə zərbə endirməməklə bağlı mövqeyini dəyişməyib, baxmayaraq ki, Ukrayna ordusu bu sahədə pozuntulara yol verir;
*Ər-Riyaddakı danışıqların nəticələri dərhal Putinə məruzə ediləcək;
*Bu gün baş tutacaq Rusiya-ABŞ görüşlərində əsas mövzu Qara dəniz təşəbbüsü və gəmiçilik təhlükəsizliyi olacaq.
Ər-Riyaddakı danışıqlardan konkret nəticələrin çıxıb-çıxmayacağı isə hələlik bəlli deyil.
XƏBƏR LENTİ
26 Mart 2025
ŞƏRHLƏRŞƏRH YAZ