Onlayn ictimai-siyasi qəzet
Rusiya-Ukrayna müharibəsi ilə bağlı ŞOK: gələn həftə...
Ukraynanın müdafiə naziri Rüstəm Umerov ABŞ rəsmilərinə deyib ki, Kiyev prezident Donald Trampın sülh proqramına 90% razıdır.
Musavat.com xəbər verir ki, bu barədə “The New York Post” öz mənbələrinə istinadən məlumat yayıb.
Məlumata əsasən, Ukrayna demək olar ki, tam şəkildə Donald Trampın sülh planını qəbul etməyə hazırdır və hərtərəfli atəşkəs haqqında qərar gələn həftə Londonda keçiriləcək görüşdə razılaşdırıla bilər.
“Gələn həftə Londonda biz tam və hərtərəfli atəşkəs barədə qərar qəbul etmək istəyirik. Daha sonra ruslarla danışıqlar aparmağı və belə deməyi planlaşdırırıq: “Ən yaxşı və son təklif budur”. Bu yolla hər iki tərəfin harada qaldığını öyrənmək istəyirik. Biz bunu biləndən sonra növbəti addımlar müəyyən ediləcək”, - deyə Umerov bildirib.
O vurğulayıb ki, əgər Moskva razılaşmasa, Tramp danışıqları tərk etməyə və münaqişəyə görə məsuliyyəti Avropadakı müttəfiqlərinin üzərinə qoymağa hazırdır.
Məlumata görə, Rustem Umerov və onun həmkarları sülh planı ilə bağlı qalan şübhələri aradan qaldırmağa çalışacaqlar ki, onların əksəriyyəti atəşkəs xətlərinin harada olacağı ilə bağlıdır.
“Düşünürəm ki, onların narahatlığının bir hissəsi torpaq məsələsi ilə bağlıdır... Onların “de-yure” və “de-fakto” adlandırdığı anlayışlarla. “De-fakto” o deməkdir ki, biz etiraf edirik – ruslar bu əraziləri işğal ediblər, amma bu o demək deyil ki, Ukrayna bu torpaqlardan həmişəlik imtina edir. “De-yure” isə odur ki, biz etiraf edirik – ruslar bu əraziləri işğal edib və biz artıq bu torpaqları heç vaxt geri almayacağıq”, - deyə Tramp administrasiyasının nümayəndəsi “The New York Post”a bildirib.
“Bundan əlavə, Rusiyanı danışıqlar masasına əyləşdirmək üçün ABŞ prezidentinin xüsusi nümayəndəsi Stiv Uitkoff Moskvanı razı salmaq məqsədilə sanksiyaların yumşaldılması və hətta müsadirə olunmuş aktivlərin dondurulmasının aradan qaldırılmasını təklif edə bilər”, - deyə rəsmi nümayəndə vurğulayıb.
Dövlət katibi Marko Rubio bildirmişdi ki, ABŞ Rusiya-Ukrayna müharibəsindən yorulub.
“Hamıya xatırlatmaq vacibdir ki, Ukrayna müharibəsi dəhşətli bir hadisədir, amma bu bizim müharibəmiz deyil. Biz onu başlamamışıq. ABŞ 3 ildən çoxdur Ukraynaya kömək edir və biz bunun sona çatmasını istəyirik”, - deyə o qeyd edib.
“The New York Times” yazırdı ki, Ağ Evdə Ukraynaya əlavə hərbi yardımın göstərilməsi ilə bağlı ciddi müzakirələr aparılmır.
Həmçinin “Bloomberg” məlumat verib ki, ABŞ geniş sülh razılaşması çərçivəsində ilhaq edilmiş Krımı Rusiyanın bir hissəsi kimi tanımağa hazırdır.
Musavat.com
XƏBƏR LENTİ
19 Aprel 2025
ŞƏRHLƏRŞƏRH YAZ