Onlayn ictimai-siyasi qəzet
Rusiya Suriyadan çıxır: Hərbi texnikalar geri daşınmağa hazırlanır
Rusiya Suriyada yerləşən hərbi texnikasını çıxarmaq üçün hazırlıqlara başlayıb.
Musavat.com xəbər verir ki, bu barədə müxtəlif mənbələrə istinadən məlumat yayılıb.
Xüsusilə, Suriyanın Latakiya əyalətində yerləşən Hmeymim aviabazasından dron vasitəsilə çəkilən videolarda Rusiyanın 91H6E radiolokasiya kompleksinin göndərilmək üçün hazır vəziyyətə gətirildiyi müşahidə olunub. Komplekslə birlikdə istifadə olunan S-300 və S-400 raket sistemləri hələ ki, öz mövqelərində qalır. Lakin bu raketlərin buraxılış qurğuları artıq döyüş vəziyyətində deyil, əvvəlki kimi aktiv görünmür.
Hmeymim bazasında aktivlik artır
Peyk görüntülərinə əsasən, Hmeymim aviabazasında son günlərdə qeyri-adi sayda hərbi təyyarə toplanıb. Onların arasında Rusiyanın iki ağır nəqliyyat təyyarəsi, An-124 “Ruslan” da var. “The Times” qəzetinin Suriyadakı müxbiri aviabazada yeni gələn Rusiya hərbi texnikasını əks etdirən video yayımlayıb. Bazanın mühafizəçiləri jurnalistlərə Rusiyanın hərbi texnikasını çıxarmağa başladığını təsdiqləyiblər.
Peyk görüntüləri
Tartus dəniz bazasında dəyişikliklər
Suriyanın Tartus limanındakı Rusiya Hərbi Dəniz Qüvvələrinə məxsus freqatların fəaliyyəti də diqqət çəkib. Peyk şəkilləri göstərir ki, 13 dekabr tarixində həmin freqatlar bazaya geri dönməyib. Bu da Rusiyanın Suriyadakı hərbi iştirakını sonlandıracağı ehtimallarını gücləndirir.
Mənbə: https://www.dw.com/ru/rossia-gotovitsa-vyvesti
Musavat.com
XƏBƏR LENTİ
14 Dekabr 2024
13 Dekabr 2024
ŞƏRHLƏRŞƏRH YAZ