Onlayn ictimai-siyasi qəzet
Rusiya İrana Su-35 qırıcıları verə bilər - ŞOK DETALLAR
Rusiya İrana yeni döyüş təyyarələri, xüsusilə Su-35 və müasir hava hücumundan müdafiə sistemləri verə bilər ki, bu da İranın İsrail və ABŞ-a qarşı hərbi potensialını gücləndirəcək.
Musavat.com xəbər verir ki, bu barədə "Washington Post" mənbələrə istinadən yazıb.
Qeyd olunub ki, bu, Tehranı Yaxın Şərqdəki vəziyyətdə daha təhlükəli rəqibə çevirəcək.
Nəşr qeyd edib ki, ötən ilin yazında Rusiyanın silah istehsalçısı “Start” İran nümayəndə heyətini hava hücumundan müdafiə sistemləri istehsal edən zavoda ekskursiyaya dəvət edib.
Bu şirkət Ukraynadakı müharibəni dəstəklədiyi üçün ABŞ sanksiyaları altındadır. Zavod zenit batareyaları üçün mobil buraxılış qurğuları və digər komponentlər istehsal edir.
Bildirilib ki, bu səfərdən sonra İranın Rusiyadan silah alıb-almadığı hələ də məlum deyil.
Rusiyanın İrana nə qədər hava hücumundan müdafiə sistemi təhvil verdiyi və ya onlardan neçəsinin artıq fəaliyyət göstərdiyi hələlik məlum deyil, lakin rus texnologiyası İranı təyyarə və raketləri vurmaq üçün daha güclü bir rəqibə çevirə bilər.
Bundan əlavə, WP kəşfiyyat rəsmilərinə istinadən bildirib ki, Rusiya gizli şəkildə ən güclü qırıcı-bombardmançı təyyarələrindən biri olan Su-35 qırıcılarının İrana ötürülməsi üzərində işləyir.
Rusiya həmçinin İrana casus peyklərinin hazırlanması ilə bağlı texniki yardım vəd edib.
"Rusiyanın artıq İrana Su-35 qırıcıları tədarük etdiyinə dair heç bir sübut yoxdur. Razılaşma haqqında ətraflı məlumatı olan ABŞ və Yaxın Şərq kəşfiyyat rəsmisinin sözlərinə görə, İran təyyarələrin pulunu ödəməkdə çətinlik çəkir və bu səbəbdən tədarüklər gecikir", - The Washington Post yazır.
Qeyd olunub ki, İran öz nüvə və hərbi obyektlərini ABŞ və ya İsrailin mümkün hücumundan qorumaq üçün çoxdan Rusiyadan zenit-raket sistemləri almaq istəyir.
Musavat.com
XƏBƏR LENTİ
24 Dekabr 2024
ŞƏRHLƏRŞƏRH YAZ