Onlayn ictimai-siyasi qəzet
Quranı yandırmışdı, indi də dövlətə xəyanətdə ittiham edilir
Ötən il Rusiyada Quranı yandırmaqda təqsirli bilinərək 3,5 il müddətinə azadlıqdan məhrum edilən Nikita Juravelə qarşı dövlətə xəyanət maddəsi ilə ittiham irəli sürülüb.
Musavat.com qafqazinfo-ya istinadən xəbər verir ki, bu barədə məlumatı Rusiyanın Baş Prokurorluğu yayıb.
İstintaq məlumatına görə, ötən ilin martında Juravel Rusiya ordusunun hərbi texnikasının hərəkətini əks etdirən videonu, eləcə də hərbi hissələrdən birinə məxsus xidməti avtomobilin hərəkət istiqaməti barədə məlumatları Ukraynanın Təhlükəsizlik Xidmətinə ötürüb.
Bildirilir ki, Nikita Juravel messencer vasitəsilə Ukrayna Təhlükəsizlik Xidmətinin əməkdaşı ilə əlaqə saxlayıb və əməkdaşlıq təklif edib.
İş baxılması üçün məhkəməyə göndərilib.
Xatırladaq ki, 20 yaşlı N.Juravel 2023-cü ilin mayında Volqoqradda məscidin yaxınlığında Quranı yandırdığına görə saxlanılmışdı. O, dindirilmə zamanı bunu Ukrayna xüsusi xidmət orqanlarının göstərişi ilə pula görə törətdiyini iddia etmişdi.
XƏBƏR LENTİ
25 Noyabr 2024
ŞƏRHLƏRŞƏRH YAZ