Onlayn ictimai-siyasi qəzet
Qırğızıstanda qadın keçmiş ərindən olan üç uşağını satıb
Qırğızıstanda kişi uşaqları ilə görüşmək istəsə də, keçmiş arvadı uşaqları ona göstərməkdən imtina edib.
Musavat.com xarici mediaya istinadla xəbər verir ki, bir müddət sonra hüquq-mühafizə orqanları bunun səbəbini müəyyən ediblər: heç demə, qadın bütün uşaqları satıbmış.
Çuy vilayətinin polis idarəsinin mətbuat xidmətinin verdiyi məlumata görə, satılmış uşaqların atası, Sokuluk kənd sakini polisə müraciət edib.
Kişinin 22 yaşlı keçmiş həyat yoldaşı ona uşaqlarını göstərmədiyi barədə şikayətindən sonra təhqiqat aparan müstəntiqlər müəyyən ediblər ki, gənc qadın 2021-ci il martın 7-də qız uşağı dünyaya gətirib və onu Moskvadan olan qadına satıb. Bir il sonra qadın bir oğlan doğub, onu da satıb. Sonrakı il doğulan qız uşağı da satlığa çıxarılıb və alıcısı tapılıb.
Faktla bağlı polis Qırğızıstan Cinayət Məcəlləsinin 167-ci (“Uşaq alveri”) maddəsi ilə cinayət işi açıb.
Hüquq-mühafizə orqanlarının əməkdaşları şübhəli şəxsi həbs edib.
Polis əlavə edib ki, insan alverinə məruz qalan uşaqların hamısı tapılıb.
Musavat.com
XƏBƏR LENTİ
04 Oktyabr 2024
03 Oktyabr 2024
ŞƏRHLƏRŞƏRH YAZ