Onlayn ictimai-siyasi qəzet
Qazaxıstanlı nazir arvadını öldürdüyü gün restoranı rusiyalı siyasətçilər tərəfindən bron edilibmiş - VİDEO
Qazaxıstanda həyat yoldaşı Saltanat Nukenovanı vəhşicəsinə qətlə yetirməkdə təqsirləndirilən keçmiş milli iqtisadiyyat naziri Kuandıq Bişimbayevin işi üzrə məhkəmə istintaqı başa çatıb.
Bu barədə mərhumun qardaşı Aytbek Amangeldi xəbər verib.
Onun sözlərinə görə, hazırda tərəflər arasında gələn həftənin ilk beş günündə debata hazırlıqlar gedir.
Dövlət ittihamına görə, Qazaxıstanın keçmiş naziri Nukenovanı 2023-cü il noyabrın 9-da ailəsinə məxsus “Astana Bau” restoranında döyərək öldürüb. Elə həmin gün Bişimbayev həbs edilib. İş üzrə məhkəmə martın sonunda başlayıb.
Məhkəmə istintaqı başa çatmazdan əvvəl hakim Ayjan Kulbayeva müttəhim Kuandıq Bişimbayevin ittihamlarla bağlı mövqeyinin dəyişib-dəyişmədiyini soruşub.
“Mən işgəncə məsələsi ilə bağlı özümü təqsirli bilmirəm. Xüsusi amansızlıqla qəsdən adam öldürmədə ittiham olunduğum ikinci epizodda mən Nukenovanın ölümünə səbəb olan döyülmələri törətdiyimi etiraf edirəm, lakin bunu qəsdən etdiyim barədə ittihamları qəbul etmirəm”, - deyə Bişimbayev məhkəmədə deyib.
Hakim ondan ehtiyatsızlıqdan Saltanat Nukenovanın ölümü ilə nəticələnən sağlamlığa xəsarət yetirməkdə özünü təqsirli bilib-bilmədiyini soruşub. Bişimbayev təsdiq cavabı verib.
Prosesdə o da məlum olub ki, noyabrın 9-da “Bau” restoranında VIP otaqlardan biri Rusiya Prezidenti Vladimir Putinin Astanaya səfəri günü Qazaxıstana gələn Rusiya nümayəndə heyəti üçün sifariş edilib. Zərərçəkmiş tərəfin nümayəndələri bu səbəbdən təqsirləndirilən şəxsin Saltanatın meyitini restorandan çıxara bilmədiyini iddia edib və bronun niyə ləğv edildiyini soruşublar.
Bişimbayevin qardaşı Bakıtjan Bayjanov cavab verib ki, restoran bağlanıb və buna görə də bron ləğv edilib. Hakim əlavə sualları rədd edib.
Təqsirləndirilən Bişimbayevi ömürlük həbs cəzası gözləyir. Keçmiş nazirin təqsirli və ya təqsirsizliyinə andlılar məhkəməsi qərar verəcək.
Mənbə: Meduza.io
XƏBƏR LENTİ
26 Dekabr 2024
ŞƏRHLƏRŞƏRH YAZ