Onlayn ictimai-siyasi qəzet
Qazaxıstan Prezidenti: COP29-da ölkələr iqlim gündəliyindəki məsələlərdə həmrəylik göstərə biləcəklər
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) ölkələrə iqlim gündəliyindəki məsələlərdə həmrəylik göstərməyə imkan verəcək.
"Report" xəbər verir ki, bunu Qazaxıstan Prezidenti Kasım-Jomart Tokayev Astanada “ŞƏT plus” formatında keçirilən görüşdə çıxışı zamanı deyib.
“Mövcud reallıqlarda ekologiya və iqlim dəyişikliyi ilə mübarizə sahəsində əməkdaşlıq xüsusi aktuallıq kəsb edir. Bu sahədə vəziyyət ciddi narahatlıq doğurur. Demək olar ki, bütün dövlətlərə böyük ziyan vuran müxtəlif təbii fəlakətlərin əhəmiyyətli dərəcədə artdığının şahidi olduq”, - Prezident bildirib.
Dövlət başçısının sözlərinə görə, Qazaxıstan bu yaxınlarda daşqınlara məruz qalıb. Ekspertlərin fikrincə, bu daşqınların miqyası qlobal istiləşmə prosesi ilə birbaşa bağlıdır: “Aydındır ki, təkbaşına iqlim problemlərinin öhdəsindən gəlmək mümkün deyil. Hesab edirəm ki, beynəlxalq ictimaiyyət iqtisadiyyatın karbonsuzlaşdırılması istiqamətində qətiyyətli kursu davam etdirməlidir. Lakin bütün dövlətlərin inkişafı və modernləşdirilməsi kimi aktual vəzifələrə xələl gətirməməlidir. İqlim gündəliyi məsələlərinə dair həmrəyliyimizi bu ilin noyabr ayında Bakıda keçiriləcək COP29 konfransı çərçivəsində göstərə biləcəyik”.
O, həmçinin Azərbaycan Prezidenti İlham Əliyevə bu tədbirin uğurla keçirilməsini arzulayıb: “Daxili su hövzələrinin deqradasiyası probleminin həlli üçün birgə tədbirlərin hazırlanmasına, eləcə də yeni suya qənaət texnologiyalarının tətbiqinə xüsusi diqqət yetirilməlidir. Ölkələrimizin bu istiqamətdə birgə işi Tacikistanın təşəbbüsü ilə BMT tərəfindən elan edilmiş Beynəlxalq Buzlaqların Mühafizəsi ilinin məqsədlərinin həyata keçirilməsinə ŞƏT-in praktiki töhfəsi olacaq”.
XƏBƏR LENTİ
29 Noyabr 2024
ŞƏRHLƏRŞƏRH YAZ