Onlayn ictimai-siyasi qəzet
SON DƏQİQƏ! Putin QLOBAL MÜHARİBƏ ilə bağlı xalqa müraciət etdi - TAM VİDEO
Rusiya prezidenti Vladimir Putin təcili bəyanatla çıxış edib.
Musavat.com Rusiya mətbuatına istinadən xəbər verir ki, Putin Ukraynanın Rusiya ərazisi boyunca Qərbin uzaqmənzilli silahlarından istifadəsini şərh edib.
Onun sözlərinə görə, istehsal olunduğu ölkələrin mütəxəssisləri olmadan Rusiyanın ərazisində uzaqmənzilli silahlardan istifadə etmək mümkün deyil: “Ukraynadakı münaqişə Rusiya Federasiyasına uzaqmənzilli Qərb raketlərinin hücumlarından sonra qlobal xarakterli elementlər alıb”.
Putin həmçinin qeyd edib ki, rus qoşunları bütün döyüş xətti üzrə irəliləyir: "Xüsusi hərbi əməliyyat qarşısına qoyulan bütün vəzifələr həll ediləcək".
Putin bu gün Ukrayna ərazisinə qitələrarası ballistik raket zərbəsi endirildiyini deyib. Bildirib ki, Dnepropetrovskda yerləşən “Yujmaş” zavoduna hücum qeyri-nüvə hipersəsli ballistik raketlə həyata keçirilib.
Putinin sözlərinə görə, istifadə edilən raket “Oreşnik” adlandırılıb.
Putin vurğulayıb ki, Rusiya özünü silahları onun ərazisinə vuran ölkələrin hədəflərinə zərbə endirmək hüququna malik hesab edir.
Musavat.com
XƏBƏR LENTİ
22 Noyabr 2024
21 Noyabr 2024
ŞƏRHLƏRŞƏRH YAZ