Onlayn ictimai-siyasi qəzet
Prezidentdən Mir Şahin Ağayevlə bağlı SƏRƏNCAM
Mir Şahin Mirdilavər oğlu Ağayev 1-ci dərəcəli “Vətənə xidmətə görə” ordeni ilə təltif edilib.
Musavat.com xəbər verir ki, bu barədə Prezident İlham Əliyev sərəncam imzalayıb.
O, Azərbaycan Respublikasında media sahəsində uzunmüddətli səmərəli fəaliyyətinə görə təltif olunub.
M.Ağayev 1963-cü ildə Yardımlı rayonunda anadan olub. Sabah onun 60 illik yubileyidir.
Qeyd edək ki, M.Ağayev Azərbaycanın jurnalist və publisistlərindən biri kimi tanınır. 1992–2005-ci illərdə ANS Müstəqil Yayım və Media Şirkətinin (ANS-TV) Baş Redaktoru olan Mir Şahin Ağayev, 2016-cı ilə qədər şirkətin vitse-prezidenti postunu tutub. O, 102 FM radiostansiyasının 1994-cü ildən, 2016-cı ilədək prezidenti vəzifəsində çalışıb. 1992–2005-ci illərdə ANS Müstəqil Yayım və Media Şirkətinin Baş Redaktoru olub.
2018-ci ildə "Real Təhlil və İnformasiya Mərkəzi" Məhdud Məsuliyyətli Cəmiyyətini yaradan Mir Şahin elə həmin ildən cəmiyyətin və onun nəzdində olan Real Televiziyasının rəhbəridir. 2022-ci ildən isə Mir Şahinin rəhbərliyi ilə Real FM radiostansiyası fəaliyyətə başlayıb.
“Yeni Müsavat” Media Qrupu Mir Şahin Ağayevi təbrik edir, ona can sağlığı, uzun ömür və daha böyük uğurlar arzulayır!
XƏBƏR LENTİ
01 Oktyabr 2024
ŞƏRHLƏRŞƏRH YAZ