Onlayn ictimai-siyasi qəzet
Polis məşhur qapıçını “Lamborghini”siz qoydu
"Mançester Yunayted"in qapıçısı Andre Onana sığorta problemi səbəbindən "Lamborghini Urus" markalı avtomobilindən müvəqqəti olaraq məhrum olub.
Musavat.com Trend-ə istinadən bildirir ki, avtomobil Onananın dostlarından biri tərəfindən idarə edilərkən polis tərəfindən saxlanılıb.
Sığortanın olmaması səbəbilə nəqliyyat vasitəsi evakuatorla müsadirə olunaraq saxlanılma məntəqəsinə aparılıb.
Qeyd olunur ki, kamerunlu qapıçı avtomobilin sahibi olduğunu və lazımi sığortanın mövcudluğunu sübut etmək üçün 14 gün ərzində sənədləri təqdim etməlidir. Əgər bu müddət ərzində sübut təqdim olunmazsa, avtomobil hərraca çıxarıla və ya utilizasiya edilə bilər.
Hadisə sosial şəbəkələrdə və idman mediasında geniş müzakirələrə səbəb olub.
XƏBƏR LENTİ
12 May 2025
11 May 2025
ŞƏRHLƏRŞƏRH YAZ