Onlayn ictimai-siyasi qəzet
Peskov: “Qərbdə rusların əmlakının ələ keçirilməsi ilə mübarizə aparacağıq”
Rusiya Qərbdə rusların hesablarının qeyri-qanuni bloklanması və ya əmlakına həbs qoyulması ilə bağlı heç bir hadisəni diqqətdən kənarda qoymayacaq.
Musavat.com xarici mediaya istinadla xəbər verir ki, bunu Rusiya Federasiyası prezidentinin mətbuat katibi Dmitri Peskov ABŞ-ın Rusiyadan olan sahibkarlardan müsadirə etdiyi vəsaitləri Ukrayna ordusuna dəstək üçün göndərməyi planlaşdırması ilə bağlı sualı cavablandırarkən deyib.
Peskov vurğulayıb ki, Moskva Qərbdə Rusiyanın dövlət və şəxsi mülkiyyətinin saxlanması ilə bağlı bütün halları qanunsuz hesab edir. O, ABŞ və Aİ siyasətçilərinin guya rusların əmlakını ələ keçirmək üçün hüquqi əsas tapdıqları barədə bəyanatlarını “hüquqi cəfəngiyyat” adlandırıb. Peskovun sözlərinə görə, pul vəsaitlərinin qanunsuz çıxarılması ilə bağlı hər bir işə ətraflı baxılacaq və məhkəmə yolu ilə həll olunacaq.
“Bəzi hallarda tutulan vəsaitlərlə bağlı məhkəmələr artıq gedir. Bəzi sahibkarlarımız artıq Avropanın müxtəlif ölkələrində, o cümlədən axtarışlar kimi qanunsuz istintaq hərəkətlərinə etiraz etməkdə uğur qazanıblar. Bəzi ölkələrdə bu cür hərəkətlər qanunsuz olaraq tanınıb. Bu iş davam edəcək”, - Rusiya Federasiyasının başçısının mətbuat katibi əmin edib.
Dmitri Peskov Rusiya və rusların xaricdə məhkəmə yolu ilə öz maraqlarını müdafiə etmək hüquqlarının pozulduğunu “qeyri-adi fakt” adlandırıb. Onun sözlərinə görə, bu, beynəlxalq hüquq normalarına və Qərb dövlətlərinin özlərinin qanunvericiliyinə zidd olduğu üçün “başa düşmək çətindir”.
Musavat.com
XƏBƏR LENTİ
04 Oktyabr 2024
ŞƏRHLƏRŞƏRH YAZ