Onlayn ictimai-siyasi qəzet
Orucluqda sizi tox saxlayacaq qidalar
Ramazan ayı boyunca səhər yeməklərinə diqqət etmək sizi gün boyu tox saxlayacaq.
Hər imsak zamanı bunları yesəniz, uzun müddət acmayacaqsınız.
1. Kefir
Susuzluğu önləyən içkilərdən olan kefir eyni zamanda çox sayda faydalı bakteriyalarla zəngindir. Bu oruc tutan şəxslərin qarşılaşdığı həzmsizlik problemini də həll edir.
2. Alma
Yüksək lif tərkibli meyvə olan alma gün boyu tox qalmağınıza yardım edəcək.
3. Yulaf əzməsi
Tərkibi liflə zəngin olan bu taxıl növü həm aclığa, həm susuzluğa faydalıdır. Əgər kəpəyindən istifadə etsəniz daha uzun müddət aclıq hiss etməyəcəksiz. Sahurda kefirə 2 x.q yulaf kəpəyi qatıb yeyin.
4. Çörəkotu
Çörəkotu zəngin mineral və vitamin tərkibi ilə halsızlığınızın qarşısını alacaq.
5. Qoz
Hər səhər 2-3 ədəd qoz yemək həm tox qalmanıza, həm də enerjili olmanıza yardım edəcək.
6.Yumurta
Sağlam proteyin mənbəyi olan yumurtaya üstünlük verin. İstənilən halda yeyə bilərsiniz. Ancaq bu zaman susuz qalmamaq üçün duz istifadə etməyin.
7.Yaşıl çay
Hər səhər adi çayı yaşıl çayla əvəz etsəniz, gün boyu həm enerjiniz azalmayacaq, həm də baş ağrısından uzaq olacaqsınız.
8. Banan
Səhər banan, süd və xırdalanmış qoz ləpəsindən ibarət kokteyl sizi uzun müddət tox tutacaq və xoş əhval-ruhiyyə ilə təmin edəcək.
9. Darçın
Səhər kofe icərkən və ya kokteyllərinizə əlavə edəcəyiniz darçın insulin dirənci ilə başa çıxmanıza kömək edəcək. Bu da uzun müddət tox qalmağınız deməkdir.
Sonda onu da əlavə edək ki, səhər yeməklərində əsla ağ çörəkdən istifadə etməyin. Çünki, bu ərzaq qan şəkərini anidən yüksəldir və qısa müddət sonra aclıq hiss etdirir. (Axşam.az)
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ