Onlayn ictimai-siyasi qəzet
“Oreşnik”in seriyalı istehsalına BAŞLANILIR
Rusiya Prezidenti Vladimir Putin “Oreşnik” raket sisteminin seriyalı istehsalına başlanıldığını elan edib.
Musavat.com xəbər verir ki, bu barədə Kremlin mətbuat xidməti məlumat yayıb. Rusiya lideri müvafiq bəyanatı Müdafiə Nazirliyi rəhbərliyi və müdafiə sənaye kompleksi nümayəndələri ilə keçirilən müşavirədə səsləndirib.
“Hesab edəcəyik ki, bu sistemin seriyalı istehsalı ilə bağlı qərar qəbul edilib. Bəli, əslində, o, praktiki olaraq təşkil edilib,” – deyə Putin bildirib.
Prezident qeyd edib ki, “Oreşnik” raket sisteminin xüsusi gücü və strateji əhəmiyyəti nəzərə alınaraq, bu silah Strateji Təyinatlı Raket Qoşunlarının arsenalına daxil ediləcək.
Noyabrın 21-də Rusiya qoşunları Ukraynanın şərqindəki Dnepr şəhərində yerləşən “Yujmaş” hərbi zavoduna kütləvi zərbə endirib. Ukrayna rəsmilərinin məlumatına görə, hücum nəticəsində iki nəfər yaralanıb. Zavod Ukraynanın müdafiə sənayesinin əsas obyektlərindən biridir.
Putin, həmçinin Rusiyanın nüvəsiz hipersəs təchizatlı ballistik raketlə zərbə endirdiyini vurğulayıb. O, bu sistemin ölkənin müdafiə gücünü artırmaqda mühüm rol oynayacağını bildirib.
Qeyd edək ki, “Oreşnik” raket sistemi Rusiyanın hərbi texnologiyalar sahəsindəki ən son nailiyyətlərindən biri kimi təqdim olunur və strateji zərbələr üçün nəzərdə tutulub.
Musavat.com
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ