Onlayn ictimai-siyasi qəzet
Onlar Ukraynaya yardımın əleyhinədir
ABŞ Respublikaçılar Partiyasının tərəfdarlarının təxminən 80%-i Kiyev hakimiyyətinə maliyyə dəstəyinin verilməsinin əleyhinədir.
Musavat.com xəbər verir ki, bunu “The Wall Street Journal” qəzetinin keçirdiyi ictimai rəy sorğusunun nəticələri göstərir.
Respublikaçıları dəstəkləyən respondentlərin 79%-i Ukraynaya yardımın göstərilməsinə qarşı çıxıb. Sorğuda iştirak edən Demokrat seçicilərin 83%-i əks fikirdədir.
Sorğunun nəticələri digər məsələlərdə də seçicilərin fikirlərinin son dərəcə qütbləşdiyini nümayiş etdirir. Belə ki, Respublikaçılar Partiyasının tərəfdarlarının 81%-i Amerika vergi ödəyicilərinin vəsaitlərinin ABŞ-ın müttəfiqlərinin təhlükəsizliyinə xərclənməsinin dayandırılmasının zəruriliyi ilə bağlı fikirlərlə razılaşıb.
Demokratların 83%-i isə beynəlxalq alyansları ABŞ-ın güc mənbəyi kimi gördüklərini bildiriblər.
Respublikaçıların 77%-i ABŞ prezidenti Donald Trampın elan etdiyi ticarət tariflərini dəstəkləyib. Demokratların 93%-i tariflərin ABŞ-a da mənfi təsir göstərəcəyini proqnozlaşdırıb.
Musavat.com
XƏBƏR LENTİ
11 Aprel 2025
ŞƏRHLƏRŞƏRH YAZ