Onlayn ictimai-siyasi qəzet
Fransada son 76 ilin ən böyük yanğınları qeydə alınıb
Fransanın cənubundakı Od departamentində cəmi bir gündə 16 min hektar ərazini əhatə edən meşə yanğını ölkədə son 76 ilin ən böyük yanğınıdır.
"Report"un xəbərinə görə, bunu jurnalistlərə hökumət başçısı Fransua Bayru ilə birlikdə regiona gələn respublikanın daxili işlər naziri Bruno Retayo deyib.
“Bu yanğın nəticəsində 1949-cu ildən bəri ən çox hektar meşə sahəsi yanıb”, - o, bildirib.
1949-cu ildə Fransanın cənub-qərbindəki Land de Qaskon massivində baş verən yanğın 50 min hektar meşə sahəsini məhv edib, 82 nəfərin ölümünə səbəb olub. Nazirin sözlərinə görə, yanğınla mübarizəyə 2150 yanğınsöndürən və 600 ədəd texnika, həmçinin “Canadair” və “Dash” təyyarələri cəlb olunub.
Öz növbəsində Bayru qeyd edib ki, hakimiyyət yanğının söndürülməsinin öhdəsindən gələ bilməyəcəklərini başa düşsə, Fransa Aİ-nin digər üzv dövlətlərindən yardım istəyə bilər. O, baş verənləri “görünməmiş miqyaslı fəlakət” adlandırıb.
ƏLAQƏLİ XƏBƏRLƏR
XƏBƏR LENTİ
07 Avqust 2025
ŞƏRHLƏRŞƏRH YAZ