Onlayn ictimai-siyasi qəzet
Milo Cukanoviç prezidentin səlahiyyətlərini məhdudlaşdıran qanunu imzalayıb
Monteneqro prezidenti Milo Cukanoviç ölkədə siyasi böhranın artmasına səbəb olan və dövlət başçısının hökumət qurmaqla bağlı səlahiyyətlərinin məhdudlaşdırılması məqsədi daşıyan qanunu imzalayıb.
M.Cukanoviç hökumətin qurulması ilə bağlı müzakirələrdə iştirak etməyəcəyini və namizədin təyin olunması səlahiyyətini parlamentin üzərinə götürəcəyini bildirib.
O, qanuna edilən dəyişikliyin konstitusiyanın dəyişdirilməsi mənasını daşıdığını deyib: “Qanunu birinci dəfə imzalamadım. Lakin daha sonra parlamentdə ikinci dəfə səsə qoyularaq qəbul edildi və qanunu imzalamağa qərar verdim. Konstitusiyaya zidd tənzimləməyə görə bu qərarı qəbul edənlər məsuliyyət daşıyırlar”.
M.Cukanoviç Monteneqro parlamentinin konstitusiyaya hörmət edən bir qurum olmaqdan çıxdığını və siyasi addımlar atdığını vurğulayıb.
Qeyd edək ki, Monteneqroda baş nazir Dritan Abazoviçin rəhbərlik etdiyi hökumət avqustun 19-da parlamentdə keçirilən etimadsızlıq səsverməsi nəticəsində buraxılmışdı. Ölkədə yeni hökumətin qurulması prosesi isə siyasi böhrana çevrilmişdi (AZƏRTAC).
XƏBƏR LENTİ
02 Oktyabr 2024
ŞƏRHLƏRŞƏRH YAZ