Onlayn ictimai-siyasi qəzet
KTMT Baş Qərargah rəisi: Qafqaz regionunda vəziyyət qeyri-sabit olaraq qalır
Şərqi Avropa regionunda gərginlik xeyli artıb, NATO qoşunlarının əhəmiyyətli mövcudluğu isə Belarus və Rusiya sərhədlərinin yaxınlığında qalır.
Musavat.com xarici agentliklərə istinadən xəbər verir ki, bunu Kollektiv Təhlükəsizlik Müqaviləsi Təşkilatının (KTMT) Birləşmiş Qərargahının rəisi, general-polkovnik Andrey Serdyukov deyib.
"Siyasi dialoqa alternativ yollar axtarmaq əvəzinə, Qərb ölkələrinin bəyənmədikləri dövlətlərə qarşı tətbiq etdiyi sanksiyaların dairəsi genişlənir və onlara qarşı aqressiv informasiya kampaniyası aparılır", – deyə Serdyukov əlavə edib.
KTMT-nin Birləşmiş Qərargah rəisi diqqəti Qafqaz regionunda qeyri-sabit vəziyyətin davam etdiyinə yönəldib.
“Onun həlli prosesi davam edir və mərkəzi aspekti Azərbaycan-Ermənistan sərhədinin demarkasiyası və sülh müqaviləsinin bağlanmasına hazırlıqla bağlıdır. Bölgədəki gərginlik Qərb ölkələrinin Cənubi Qafqazda öz təsirlərini gücləndirmək cəhdləri ilə alovlanır”, – deyə Serdyukov vurğulayıb.
Musavat.com
XƏBƏR LENTİ
30 Yanvar 2025
ŞƏRHLƏRŞƏRH YAZ