Onlayn ictimai-siyasi qəzet
İqor Korotçenko Bakıdan Qərbə səsləndi: "Əsassız tənqiddən əl çəkin!"
"Azərbaycanda keçirilən növbədənkənar prezident seçkisindən sonra Qərbin reaksiyası mənə çox maraqlıdır. Görəsən, Fransa Prezidenti Emmanuel Makron və digərləri Azərbaycan xalqını təbrik edəcəklər, yoxsa tənqid edəcəklər? Susacaqlarmı?"
Musavat.com-un məlumatına görə, bunu Xəzər Strateji Araşdırmalar İnstitutunun direktoru İqor Korotçenko Azərbaycanda keçirilən növbədənkənar prezident seçkisi ilə bağlı monitorinqlərinin nəticələrinə dair keçirilən brifinqdə bildirib:
"Mən onlara tövsiyə edirəm ki, əsassız tənqiddən əl çəksinlər. Azərbaycan xalqı artıq gələcəyə doğru inamlı addım atdı. Xalqı və İlham Əliyevi təbrik edirəm".
İqor Korotçenko vurğulayıb ki, Azərbaycanda prezident seçkisi tam şəffaf təşkil edilib:
"Altı seçki məntəqəsində iştirak etdim. Seçicilər də yüksək səviyyədə iştirak etdilər və ölkənin gələcəyinə dair fikirlərini nümayiş etdirdilər. İlham Əliyevin qələbəsi artıq xalqın iradəsi ilə əvvəldən müəyyən olunub. Bir çox təhlükələrin olduğu şəraitdə xalqa belə sadiq oldu və ölkənin maraqlarını müdafiə edir. Azərbaycanın dostları, dövlət rəhbərləri İlham Əliyevi inamlı qələbəsinə görə təbrik edirlər. Biz də buna sevinirik. İlham Əliyev Rusiya dövlətinin də dostudur. Bundan sonra da iki ölkə siyasi, iqtisadi tərəfdaş olmaqda davam edəcəklər".
Nigar HƏSƏNLİ,
Musavat.com
XƏBƏR LENTİ
28 Noyabr 2024
27 Noyabr 2024
ŞƏRHLƏRŞƏRH YAZ