İnsanlara hürriyət, millətlərə istiqlal!

Fransadan Netanyahunun həbs qərarına CAVAB

Beynəlxalq Cinayət Məhkəməsi (BCM) İsrailin Baş naziri Benyamin Netanyahu və keçmiş müdafiə naziri Yoav Qallant barəsində "insanlığa qarşı cinayətlər və müharibə cinayətləri" ittihamları ilə həbs orderi verib.

Musavat.com xəbər verirki, Fransa Xarici İşlər Nazirliyinin sözçüsü bildirib ki, Fransa BCM-in nizamnaməsinə uyğun olaraq bu qərara cavab verəcək. Niderland hökuməti də BCM-in Netanyahuya qarşı çıxardığı həbs qərarına uyğun hərəkət etməyə hazır olduğunu bəyan edib.

BCM-in qərarı, İsrailin 2023-cü ilin oktyabrından 2024-cü ilin mayına qədər Qəzza zolağında həyata keçirdiyi hərbi əməliyyatlar zamanı baş verən hadisələrlə əlaqədardır. Netanyahu və Qallant, mülki əhaliyə qarşı hücumlar və mülki infrastruktura zərər verməkdə ittiham olunurlar. 

Bu həbs orderləri, BCM-in üzvü olan 124 ölkə üçün məcburi xarakter daşıyır və həmin ölkələrdə Netanyahu və Qallantın həbsi tələb olunur. Lakin İsrail BCM-in yurisdiksiyasını tanımır və bu qərarı rədd edir.

ABŞ Prezidenti Co Bayden və digər Qərb liderləri BCM-in bu qərarını tənqid edərək, İsrailin özünümüdafiə hüququnu vurğulayıblar. Eyni zamanda, HƏMAS BCM-in qərarını alqışlayıb və İsrailin hərəkətlərinə qarşı beynəlxalq tədbirlərin görülməsini tələb edib. 

 

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

22.11.2024 11

ABŞ husilərin hədəflərinə dənizdən raket zərbəsi endirib
22.11.2024 23

ABŞ “SWIFT”in Rusiya analoqundan istifadəyə görə sanksiyalar tətbiq edəcək
22.11.2024 38

Reuters: BAEA Rəhbərlər Şurası İranı tənqid edən qətnamə qəbul edib

XƏBƏR LENTİ

22 Noyabr 2024

21 Noyabr 2024

BÜTÜN XƏBƏRLƏR