Onlayn ictimai-siyasi qəzet
Əsəd Rusiyaya qaçarkən yanında bu iki şəxs olub - Yeni detallar
Suriyanın devrilmiş prezidenti Bəşər Əsədin Suriyadaki son günləri ilə bağlı yeni detallar açıqlanıb.
Bu məlumatlar, London mərkəzli Al Majalla tərəfindən yayımlanıb.
İddialara görə 2024-ci ilin dekabrında Suriya ordusunun çökməkdə olan mübarizəsi ilə əlaqədar Əsədin son günləri olduqca dramatik şəkildə keçib. Belə ki, Əsədin oğlunun Moskvada təşkil edilən mərasimində iştirak etməsi səbəbi ilə orada olduğu vaxtda 27 noyabrda müxalif qüvvələr tərəfindən hücum başladılıb. Bu hücumlar nəticəsində Əsəd mərasimə qatılmamağı və Moskvadakı otelində qalaraq vəziyyəti izləməyi qərara alıb. Həmin dövr ərzində Suriya müxalifləri Şamın yaxınlaşan düşüşünü təsdiqləyərək, Əsədin sonunu gətiriblər.
29 noyabrda Hələbin müxalif qüvvələr tərəfindən ələ keçirilməsi ilə vəziyyət daha da çətinləşib və Əsəd Şamdan Moskva'ya dönmək üçün uçub. 7 dekabrda isə o, Şamdan çıxıb Hmeymim hava bazasına qaçmağa məcbur olub. Hmeymim bazasına qaçan Əsədin yanında yalnız iki şəxs olub: Prezidentlik işləri naziri Mansur Azzam və təhlükəsizlik rəisi Tuğgeneral Muhsin Muhəmməd. Bu iki şəxs Əsədin qaçışı ilə bağlı son anda yanında olan və bu hadisə barədə xəbərdar edilən insanlar olublar.
Qeyd edək ki, Şamın düşməsindən bir gün əvvəl, 7 dekabrda, Əsədin bəzi yüksək vəzifəli məmurlarına vəziyyətin nəzarət altında olduğunu və "Rus dəstəyi yolda" olduğu haqqında məlumat verildiyi iddia edilib. Lakin, 8 dekabrda, Rusiyanın təzyiqi ilə Əsəd, daha çox qan tökülməməsi üçün Şamı tərk edib./Milli.az/
XƏBƏR LENTİ
20 Dekabr 2024
ŞƏRHLƏRŞƏRH YAZ