Onlayn ictimai-siyasi qəzet
Ənsar Allah ABŞ neftinə sanksiya tətbiq etdiyini açıqladı: Tankerlər vurulacaq
Yəmənin Ənsar Allah hərəkatı gəmiçilik şirkətlərinə Amerika neftini daşıyan ticarət gəmilərinə hücum edəcəkləri barədə xəbərdarlıq edib.
Musavat.com xarici agentliklərə istinadən xəbər verir ki, İranın dəstəklədiyi hərəkat qərarını ABŞ-ın Yəmən hərəkatına qarşı hərbi kampaniyasına cavab olaraq “Amerika xam neftinin ixracı, təkrar ixracı, ötürülməsi, yüklənməsi, alınması və ya satışına qadağa qoyulması” ilə izah edib.
Üsyançı qüvvələr və gəmiçilik şirkətləri arasında əlaqə yaradan Husilərin nəzarətində olan Humanitar Koordinasiya Mərkəzi gəmi sahiblərini və operatorlarını mayın 17-dən qüvvəyə minəcək qadağa barədə xəbərdar edib.
Sənəddə deyilir ki, Amerika neftini daşıyan gəmiçilik şirkətləri “Yəmənə və hər hansı ərəb və ya İslam ölkəsinə qarşı təcavüz etmiş şəxslər və təşkilatların sanksiya siyahısına” daxil ediləcək:
“Onların gəmiləri Qırmızı dəniz, Bab əl-Məndeb boğazı, Ədən körfəzi, Ərəb dənizi və Hind okeanından keçə bilməyəcək. Onlar Yəmən daxilində hücuma məruz qalan hər hansı qüvvənin hədəfi olacaqlar”.
Qadağa həmçinin Amerika limanlarına yüklənən neftin daşınmasına da şamil edilir. Husilərin nəzarətində olan mərkəz bildirib ki, “ölkələrə, təşkilatlara və şəxslərə sanksiya siyahısına daxil edilmiş şirkətlərlə hər hansı bir şəkildə əməkdaşlıq etmək qadağandır”. Bundan əlavə, üsyançılar xəbərdarlıq ediblər ki, “məhdudiyyətlər şirkətlərin özləri ilə yanaşı, onların səhmlərini tutduqları təşkilatlara, onların yüksək səviyyəli menecerlərinə və faktiki sahiblərinə də şamil ediləcək”.
Musavat.com
XƏBƏR LENTİ
04 May 2025
03 May 2025
ŞƏRHLƏRŞƏRH YAZ