Onlayn ictimai-siyasi qəzet
Əhalinin NƏZƏRİNƏ - Bayram günlərində...
Bayram günlərində mobil notariat tətbiqi aktiv olacaq.
Bunu Musavat.com-un sorğusuna cavabında Ədliyyə Nazirliyinin insan hüquqları və kommunikasiya idarəsinin rəisi Aynur Sabitova bildirib.
O qeyd edib ki, dekabrın 31-i, yanvarın 1-i və 2-si qeyri-iş günləridir. Digər günlərdə isə növbətçilər olacaq.
Qeyd edək ki, həm “Appstore”dan, həm də “Google Play”dan mobil cihazlara ödənişsiz yüklənən “Mobil notariat” proqram təminatı vasitəsilə şəxsin iştirakçısı olduğu bütün notariat əməliyyatları ilə bağlı sənədlərin elektron versiyasının vahid mənbədə mobil telefonda saxlanılması, onların qüvvədən düşməsi barədə məlumatın dərhal alınması, habelə həmin sənədlərdən istifadə etməsi mümkündür. Həmçinin, «mobil notariat» proqram təminatı vasitəsilə artıq vətəndaşlar nəqliyyat vasitələrinə dair etibarnamələri, vəkilə verilən etibarnamələri, sosial etibarnamələri, banklarda təmsilçilik ilə bağlı etibarnamələri, eləcə də yetkinlik yaşına çatmamış şəxslərin ölkə ərazisini tərk etməsi üçün valideynləri tərəfindən yazılan razılıq və etibarnamələrə xitam verilməsinə dair ərizələri elektron qaydada videoyazı vasitəsilə həftənin bütün günləri 24 saat ərzində əldə edə bilərlər.
"Mobil notariat" tətbiqi vasitəsilə notariat sənədlərinin həqiqiliyini onun üzərində yerləşdirilmiş QR-kod və ya şəxsin fərdi identifikasiya nömrəsi (FİN) və sənəd üzərində yerləşdirilmiş identifikator (barkod) əsasında yoxlamaq mümkündür.
Nigar HƏSƏNLİ,
Musavat.com
XƏBƏR LENTİ
29 Sentyabr 2024
ŞƏRHLƏRŞƏRH YAZ