Onlayn ictimai-siyasi qəzet
Dünyada 1.1 milyard tam yoxsul insan var
Birləşmiş Millətlər Təşkilatının İnkişaf Proqramı (UNDP) və Britaniyanın Oksford Yoxsulluq və İnsan İnkişafı Təşəbbüsü (OPHI) ekspertləri dünyada yoxsul insanların sayını açıqlayıblar.
Musavat.com xarici mediaya istinadla xəbər verir ki, adı çəkilən qurumlar tərəfindən birgə nəşr olunan cari hesabatda 112 ölkə və 6,3 milyard insan üçün çoxölçülü yoxsulluqla bağlı orijinal statistik araşdırmalar yer alıb. Hesabata 20 ölkədən yeni sorğu məlumatları daxil edilib.
2024-cü il hesabatı göstərir ki, dünyada 1,1 milyard insan həddindən artıq yoxsulluq içində yaşayır, onların 40 faizi müharibə və qeyri-sabitlikdən təsirlənən ölkələrin vətəndaşlarıdır.
BMT İnkişaf Proqramının administratoru Axim Steyner deyib: “Son illərdə münaqişələr intensivləşib və çoxalıb, itkilərin sayı yeni zirvələrə çatıb. Milyonlarla insanı evlərini tərk etməyə məcbur edib. Bu,onların həyat və dolanışıq vasitələrinin geniş şəkildə pozulmasına səbəb olub”.
1,1 milyard yoxsul əhalinin yarısından çoxu 18 yaşınadək uşaqlardır (584 milyon). Qlobal miqyasda uşaqların 27,9 faizi, böyüklərin isə 13,5 faizi yoxsulluq içində yaşayır.
1,1 milyard yoxsul insanın əhəmiyyətli bir hissəsində adekvat sanitar şərait (828 milyon), mənzil (886 milyon) və ya yemək bişirmək üçün yanacaq (998 milyon) yoxdur.
1,1 milyard yoxsul insanın yarısından çoxu öz ailəsində az qidalanan (637 milyon) biri ilə yaşayır. Cənubi Asiyada 272 milyon yoxsul insan ən azı bir az qidalanan adamın yaşadığı evlərdə yaşayır, Afrikanın cənubundakı Saharada isə bu rəqəm 256 milyondur.
Uyğunlaşdırılmış məlumatların mövcud olduğu 86 ölkədən 76-sı ən azı bir müddət ərzində yoxsulluq dərəcələrini əhəmiyyətli dərəcədə azaldıb.
Musavat.com
XƏBƏR LENTİ
07 Noyabr 2024
ŞƏRHLƏRŞƏRH YAZ