Onlayn ictimai-siyasi qəzet
DGK: Ötən il Azərbaycana qanunsuz yollarla 7 milyondan artıq siqaretin gətirilməsinə cəhd edilib
2024-cü ildə qanunsuz yollarla Azərbaycana gətirilməsinə cəhd göstərilən 7 milyondan artıq siqaret aşkar edilib.
Musavat.com bu barədə Dövlət Gömrük Komitəsinə (DGK) istinadən xəbər verir.
Məlumata əsasən, gömrük orqanları tətəfindən həyata keçirilmiş tədbirlər nəticəsində 2024-cü il ərzində aksiz markasız və ya digər qanunsuz yollarla ölkəyə gətirilməsinə cəhd göstərilən 7 milyon 256 min 037 ədəd xaricdə istehsal olunan siqaretlər, 13 min 266 litr spirtli içkilər, 105 min 721,715 litr energetik içkilər, həmçinin aksiz markalarının tətbiqi qaydalarının pozulması halları ilə əlaqədar Azərbaycanın aksiz markası ilə markalanmış 292 litr spirtli içki saxlanılıb.
Eləcə də, Dövlət Gömrük Komitəsi və İqtisadiyyat Nazirliyi yanında Dövlət Vergi Xidmətinin əməkdaşları tərəfindən birgə keçirilmiş əməliyyat-axtarış tədbirləri nəticəsində 1 milyon 760 min ədəd aksiz markası ilə markalanmamış və ya məcburi nişanlanma ilə nişanlanmamış tütün məmulatları və 300 min ədəd saxta aksiz markaları da qanunsuz dövriyyədən götürülüb.
XƏBƏR LENTİ
13 Yanvar 2025
ŞƏRHLƏRŞƏRH YAZ