Onlayn ictimai-siyasi qəzet
“Dərslərə bir həftəlik fasilə verilməlidir” – Qızılcaya görə məktəblər bağlanır?
Bakıda qızılcadan daha bir məktəbli dünyasını dəyişib. Belə ki, 195 saylı tam orta məktəbin şagirdi qızılca xəstəliyindən vəfat edib. Bir neçə gün əvvəl isə Kürdəmirdə qızılca diaqnozu ilə xəstəxanaya gətirilən azyaşlı dünyasını dəyişib.
Bu isə valideynlər arasında narahatlıq və təlaşı artırır. Əksəriyyət tədris prosesinin müvəqqəti dayandırılmasını və ya hər hansı tədbirlərin görülməsini tələb edir.
Mövzu ilə bağlı Sfera.az-a açıqlama verən təhsil sahəsi üzrə ekspert Kamran Əsədov mövcud durumun təhlükəli həddə yaxınlaşdığını bildirib:
“İnsanlar hələ də başa düşmək istəmir ki, pandemiya dövründə yaşayırıq. Koronavirus infeksiyası bitməyib və indi müxtəlif xəstəliklər formasında insanlara yoluxur. Bu baxımdan, məktəblərin mütəmadi olaraq dezinfeksiya işlərini həyata keçirməliyik, hansısa əlamət müşahidə olunan şagirdi nəzarətə almalıyıq. Həmçinin, məktəblərdə tibbi xidmətin keyfiyyətini yüksəltməliyik. Ölkədə qızılcaya yoluxmanın artdığı dövrdə, əhatə dairəsinin genişlənməməsi, yoluxanların fəsadlarının təhlükəli həddə çatmaması üçün bütün təhsil müəssisələrində 1 həftəlik fasilə verilməlidir. Çünki təkcə orta məktəblərdə yox, həmçinin universitet tələbələri arasında yoluxma halları baş verib”.
Təhsil sahəsi üzrə digər ekspert Elçin Əfəndiyev qeyd edib ki, bütün təhsil müəssisələrində tibb məntəqəsi olmalıdır: “Məktəbə daxil olarkən bütün şagirdlər müasir cihazlarla yoxlanılmalı, hər hansı birinin səhhətində problem varsa, sinif otağına buraxılmamalı, müalicəyə yazdırılmalıdır”.
XƏBƏR LENTİ
22 Noyabr 2024
ŞƏRHLƏRŞƏRH YAZ