Onlayn ictimai-siyasi qəzet
Dəhşətli zəlzələdə ölənlərin sayı 1700-ü keçdi - minlərlə yaralı var
Myanmada baş verən güclü zəlzələ nəticəsində ölənlərin sayı 1700 nəfəri keçib, 3400-dən çox insan isə müxtəlif dərəcəli xəsarətlər alıb.
Musavat.com xəbər verir ki, bu barədə məlumatı “Sinxua” agentliyi rəsmi mənbələrə istinadla yayıb.
Təbii fəlakət ölkədə böyük dağıntılara səbəb olub. Onlarla yaşayış binası, məktəb və ictimai obyektlər dağılıb, çox sayda insan evsiz qalıb.
Axtarış-xilasetmə işləri davam edir və rəsmi qurumlar zərərçəkənlərin sayının daha da arta biləcəyindən ehtiyatlanır.
Bundan əlavə, ötən gün Myanmada daha bir zəlzələ qeydə alınıb. Bu dəfə yeraltı təkanların maqnitudası 5,1 olub. Bu da bölgədə təbii təhlükənin hələ də davam etdiyini göstərir.
Hazırda ölkədə fövqəladə vəziyyət elan olunub, beynəlxalq humanitar təşkilatlar yardım üçün hərəkətə keçiblər.
Musavat.com
XƏBƏR LENTİ
01 Aprel 2025
ŞƏRHLƏRŞƏRH YAZ