Onlayn ictimai-siyasi qəzet
Çində Labubu oyuncaqlarının 1,7 milyon dollarlıq saxtakarlığı ifşa olundu
Çin polisi məşhur Labubu brendinə aid saxta oyuncaqların satışını təşkil edən cinayətkar qruplaşmanın fəaliyyətini ifşa edib.
Musavat.com xəbər verir ki, “Yicai” nəşrinin məlumatına görə, Şanxay polisinin keçirdiyi əməliyyat nəticəsində 5 minə yaxın saxta oyuncaq müsadirə olunub. Həmin oyuncaqlar nadir modellərin tam surəti olmaqla yanaşı, orijinal məhsulların görünüşünü və ticarət nişanını da dəqiq şəkildə təkrarlayıb.
Qanunsuz məhsulları istehsal edən şəxslərin Pop Mart şirkətindən — bu brendin rəsmi distribyutorundan — heç bir icazəsi olmayıb. Saxta oyuncaqların qiyməti orijinalların dəyərinin 60–70%-i qədər olub, bu isə cinayətkarların milyonlarla dollar gəlir əldə etməsinə imkan verib.
Qeyd edək ki, iş üzrə istintaq davam edir.
Musavat.com
XƏBƏR LENTİ
31 Iyul 2025
ŞƏRHLƏRŞƏRH YAZ