Onlayn ictimai-siyasi qəzet
Çin ABŞ-dan neft idxalını ikiqat azaldıb
2024-cü ildə Çin ABŞ-dan neft alışını yarıya qədər azaldıb.
Musavat.com xəbər verir ki, Bloomberg Kpler məlumatlarına istinadən bildirir ki, ABŞ bu il Çinə 81,1 milyon barel neft ixrac edib ki, bu da əvvəlki illə müqayisədə (150,6 milyon barel) 46 faiz azalma deməkdir.
Beləliklə, Çin Amerika neftinin ən böyük alıcıları arasında ikinci yerdən altıncı yerə düşüb.
Çinin neftə olan tələbatı ölkənin iqtisadi inkişafının yavaşlaması, elektrikli nəqliyyat vasitələrinin yayılması və LNG istehlakının artması fonunda azalır. Bu il Çinə neft idxalının ümumi həcmi 7,2 faiz azalıb. Eyni zamanda Rusiya, İran və Venesuelanın dəniz daşımalarında payı bir il əvvəlki 24 faizdən 26 faizə yüksəlib, Yaxın Şərqin payı isə təxminən 60 faizdir.
Artıq üç ildir ki, Avropa regional səviyyədə Amerika neftinin əsas alıcısı olaraq qalır.
Ölkələr arasında lider 2024-cü ildə ştatlardan 194,4 milyon barel neft idxal edən Hollandiyadır. İkinci yeri İtaliya ilə daha fəal əməkdaşlığa başlayan Qazaxıstandan tədarükün azalmasını kompensasiya etməyə çalışan Cənubi Koreya (165,5 milyon barel) tutur.
Böyük Britaniya bu il üçüncü yerdə (11,8 milyon barel), Kanada dördüncü yerdə (102,3 milyon barel), beşinci yerdə İspaniya (87,3 milyon barel), yeddinci yerdə Fransa (81,3 milyon barel), səkkizinci yerdə isə Tayvan (80,4 milyon barel) qərarlaşıb.
Musavat.com
XƏBƏR LENTİ
28 Dekabr 2024
ŞƏRHLƏRŞƏRH YAZ