Onlayn ictimai-siyasi qəzet
Bu ölkədə hökumət əhalini fil, begemot və zebra ilə qidalandıracaq
Namibiya hakimiyyəti fil, zebra və begemot da daxil olmaqla 700-dən çox vəhşi heyvanı öldürməyi və ətləri qida çatışmazlığı ilə üzləşən insanlara paylamağı planlaşdırır. Musavat.com CNN-ə istinadən xəbər verir ki, buna ölkənin son 100 ilin ən kəskin quraqlığı ilə üzləşməsi səbəb olub.
Avqustun 26-da ölkənin Ətraf Mühit, Meşə Təsərrüfatı və Turizm Nazirliyindən verilən məlumata görə, ovlanacaq heyvanlar arasında 83 fil, 30 begemot, 60 camış, 50 impala, 100 mavi vəhşi qnu və 300 zebra var.
Nazirlik bildirib ki, onlar milli parklardan və "davamlı artım bolluğu" olan ictimai ərazilərdən gətiriləcək və peşəkar ovçular tərəfindən öldürüləcəklər. Məlumata görə, proqram Afrikanın cənub-qərb ölkəsində quraqlığın təsirlərini yumşaltmağa kömək etmək məqsədi daşıyır. May ayında quraqlığın təsirləri pisləşdiyi üçün Namibiyada fövqəladə vəziyyət elan edilmişdi.
Təxminən 1,4 milyon insanın - əhalinin təxminən yarısının ciddi ərzaq təhlükəsizliyi ilə üzləşəcəyi gözlənilir. Nazirlik bildirib ki, proqram heyvan sayı “mövcud otlaq və su ehtiyatından çox olduğu” ərazilərdə onların sayını azaltmaqla su ehtiyatlarına təzyiqi yumşaldacaq.
Musavat.com
ƏLAQƏLİ XƏBƏRLƏR
XƏBƏR LENTİ
20 Sentyabr 2024
ŞƏRHLƏRŞƏRH YAZ