Onlayn ictimai-siyasi qəzet
Braziliya prezidenti BRİKS-dən Trampın tariflərinə cavab tələb edir
Braziliya prezidenti Lula da Silva BRİKS liderləri ilə ABŞ prezidenti Donald Trampın tətbiq etdiyi rüsumlara mümkün birgə cavabı müzakirə edəcəyini bildirib.
Musavat.com xarici mediaya istinadla xəbər verir ki, Lula cümə axşamı Hindistanın baş naziri Narendra Modi ilə danışıqlara başlamağı planlaşdırdığını bildirib. Daha sonra o, vəziyyəti Çin sədri Si Cinpin və digər BRİKS ölkələri ilə müzakirə etmək niyyətindədir.
Braziliya prezidenti vurğulayıb ki, o, BRIKS üzvlərinin ABŞ-ın hərəkətlərinə necə reaksiya verdiyini və tariflərin onların iqtisadiyyatları üçün hansı nəticələrini bilmək istəyir. Onun sözlərinə görə, yalnız birgə həll effektiv ola bilər. O, həmçinin xatırladıb ki, 10 BRİKS ölkəsi G20-nin bir hissəsidir və onların rəyi vacibdir.
Lula Reuters-ə müsahibəsində Tramp haqqında sərt danışıb. O bildirib ki, ABŞ prezidentinin siyasəti beynəlxalq əməkdaşlığa xələl gətirir və onu zəif ölkələrin bərabər hüquqlara malik olmadığı şəxsi danışıqlarla əvəz edir.
“Kiçik bir Latın Amerikası ölkəsinin ABŞ-a qarşı hansı danışıqlar gücü var? Yoxdur”, - Lula deyib.
Prezident qeyd edib ki, Braziliya ilə ABŞ arasında münasibətlər son 200 ilin ən aşağı nöqtəsindədir. O, Trampı iqtisadi tədbirləri Braziliyanın daxili işləri ilə, xüsusən də eks-prezident Jair Bolsonaroya qarşı işlə əlaqələndirməyə çalışdığına görə tənqid edib.
Musavat.com
ƏLAQƏLİ XƏBƏRLƏR
XƏBƏR LENTİ
27 Sentyabr 2025
ŞƏRHLƏRŞƏRH YAZ