Onlayn ictimai-siyasi qəzet
BP minlərlə işçini ixtisar edəcək
Britaniyanın enerji şirkəti BP işçi qüvvəsini 5% və ya təxminən 4700 nəfər azaltmağı planlaşdırır.
Musavat.com xəbər verir ki, məlumatı CNBC şirkətin bəyanatına istinadən yayıb.
Məlumata görə, bundan əlavə, BP 3 minə yaxın podratçının xidmətlərindən imtina edəcək.
Keçən ilin sonlarında şirkətin rəhbəri Mürrey Okinkloss 2026-cı ilin sonuna qədər xərclərin ən azı 2 milyard dollar azaldılmasını nəzərdə tutan tədbirlər paketini açıqlayıb. Bu gün açıqlanan ixtisarlar bu tədbirlərin bir hissəsidir.
Bu həftənin əvvəlində BP ötən ilin dördüncü rübünə dair göstəricilərinin 3-cü rüblə müqayisədə pisləşəcəyini açıqlayıb.
Son 12 ayda şirkətin bazar kapitallaşması 3,1 faiz azalaraq 66,87 milyard funt-sterlinqə (81,62 milyard dollar) düşüb.
Musavat.com
ƏLAQƏLİ XƏBƏRLƏR
XƏBƏR LENTİ
16 Yanvar 2025
ŞƏRHLƏRŞƏRH YAZ