Onlayn ictimai-siyasi qəzet
Belçika Əfqanıstanda döyüşmüş əsgərlərini Ukraynaya göndərir
Belçika Ukrayna ordusuna təlim keçmək üçün Ukraynaya 100 təlimatçı göndərəcək.
Musavat.com xəbər verir ki, bu barədə Belçikanın müdafiə naziri Ludivin Dedonder yerli “Soir” qəzetinə müsahibəsində bildirib.
Onun sözlərinə görə, NATO-nun Əfqanıstandakı döyüşlərdə iştirak edən Belçika təlimatçıları tərəfindən Ukrayna Silahlı Qüvvələrinin döyüşçülərinə snayper atıcılığı, kəşfiyyat, minalardan təmizləmə və digər döyüş növləri üzrə təlim keçmək üçün 18 kurs təşkil olunacaq. Avropa İttifaqı 15 minə yaxın ukraynalı hərbçiyə təlim keçməyi planlaşdırır. Kursların dekabr ayında başlaması gözlənilir.
Dedonder həmçinin gələn ilin may ayının sonuna qədər Belçikanın rəsmi Kiyevə sualtı minaların və casusluq avadanlığının müəyyən edilməsinə imkan verən 10 sualtı pilotsuz uçuş aparatı verəcəyini söyləyib. Ukraynaya həmçinin kimyəvi, radiasiya və bakterioloji vəziyyətə nəzarət etmək üçün nəzərdə tutulmuş 2 mobil laboratoriya göndəriləcək.
Musavat.com
XƏBƏR LENTİ
13 Oktyabr 2024
ŞƏRHLƏRŞƏRH YAZ