Onlayn ictimai-siyasi qəzet
Avropa Liqası: "Qarabağ" mübarizəni dayandırdı
İlk yayın vaxtı 00:01
"Qarabağ" UEFA Avropa Liqasının 1/8 final mərhələsində cavab oyununa çıxıb.
"Report"un məlumatına görə, Azərbaycan çempionu Almaniyada "Bayer 04"ün qonağı olub.
Qarşılaşma meydan sahiblərinin qələbəsi ilə bitib - 3:2.
"Köhlən atlar"da 58-ci dəqiqədə Abdullah Zubir, 67-ci dəqiqədə Olavio Juninyo fərqləniblər. 62-ci dəqiqədə Ağdam klubunda Elvin Cəfərquliyev birbaşa qırmızı vərəqə alaraq meydandan qovulub.
72-ci dəqiqədə Leverkuzen təmsilçisində Ceremi Frimponq fərqi azaldıb. 90+3-cü dəqiqədə Patrik Şik hesabı bərabərləşdirib. Çexiyalı hücumçu 90+8-ci dəqiqədə isə qələbə qolunu vurub.
Bakıdakı ilk matçda rəqibi ilə 2:2 hesablı heç-heçə edən "Qarabağ" turnirlə vidalaşıb.
***
“Bayer 04” Almaniyada “Qarabağ”a qarşı keçirdiyi UEFA Avropa Liqasının 1/8 final mərhələsinin cavab oyununda hesabda irəli çıxır.
Ev sahibləri 90+6-cı dəqiqədə hesabda irəli çıxırlar - 2:3.
***
“Bayer 04” Almaniyada “Qarabağ”a qarşı keçirdiyi UEFA Avropa Liqasının 1/8 final mərhələsinin cavab oyununda hesabı bərabərləşdirib.
Ev sahibləri 90+3-cü dəqiqədə bərabərlik qolunu vurublar - 2:2.
***
"Bayer 04" Almaniyada "Qarabağ"a qarşı keçirdiyi UEFA Avropa Liqasının 1/8 final mərhələsinin cavab oyununda fərqi azaldıb.
72-ci dəqiqədə meydan sahiblərində Ceremi Frimponq fərqlənib.
Hazırda Azərbaycan çempionu 2:1 hesabı ilə öndədir.
***
Almaniyada “Bayer 04” və “Qarabağ” komandaları arasında keçirilən UEFA Avropa Liqasının 1/8 final mərhələsinin cavab oyununda “Qarabağ” komandası hesab fərqini artırdı.
Oyunun 67-ci dəqiqəsində Juninyo hesab fərqini iki qola çatdlırıb - 0:2.
***
Almaniyada “Bayer 04” və “Qarabağ” komandaları arasında keçirilən UEFA Avropa Liqasının 1/8 final mərhələsinin cavab oyununda “Qarabağ” komandası hesabı açıb.
Oyunun 58-ci dəqiqəsində Zubir fərqlənib - 0:1.
***
Almaniyada "Bayer 04" və "Qarabağ" komandaları arasında keçirilən UEFA Avropa Liqasının 1/8 final mərhələsinin cavab oyununda ikinci hissə başlayıb.
Hazırda matçda hesab açılmayıb.
***
Almaniyada “Bayer 04” və “Qarabağ” komandaları arasında keçirilən UEFA Avropa Liqasının 1/8 final mərhələsinin cavab oyununda ilk hissə başa çatıb.
Komandalar fasiləyə qolsuz bərabərliklə yollanıblar.
***
UEFA Avropa Liqasının 1/8 final mərhələsinin cavab oyunu çərçivəsində “Bayer 04” - “Qarabağ” oyunu başlayıb.
Qarşılaşma Leverkuzen şəhərindəki “BayArena” stadionunda keçirilir.
Xatırladaq ki, ilk matçda heç-heçə qeydə alınmışdı - 2:2.
XƏBƏR LENTİ
25 Noyabr 2024
24 Noyabr 2024
ŞƏRHLƏRŞƏRH YAZ