Onlayn ictimai-siyasi qəzet
Avropa İttifaqı ilə Qazaxıstan sadələşdirilmiş viza rejiminə dair saziş hazırlığına başlayıb
Avropa Komissiyası ilə Qazaxıstan arasında viza rejiminin sadələşdirilməsinə dair sazişin bağlanması proseduru başlanıb.
Musavat.com xəbər verir ki, məlumatı Avropa İttifaqının xarici işlər və təhlükəsizlik siyasəti üzrə ali komissarı Kaja Kallas Qazaxıstan prezidenti Kasım-Jomart Tokayevlə Almatıda keçirdiyi görüşdə açıqlayıb.
Qazaxıstan prezidentinin mətbuat xidmətinin məlumatına görə, Qazaxıstanın regionda Avropa İttifaqı ilə Genişləndirilmiş Tərəfdaşlıq və Əməkdaşlıq Sazişini imzalayan ilk ölkə olması ikitərəfli münasibətlərin yüksək səviyyədə inkişafını göstərir.
Cavabında Tokayev vurğulayıb ki, Qazaxıstan bu xəbəri çox müsbət qəbul edir, çünki bu addım Avropa ölkələri ilə şəxsiyyətlərarası əlaqələrin və işgüzar əlaqələrin gücləndirilməsi üçün geniş imkanlar açır.
Bundan əvvəl Kallas “Kazakhstanskaya Pravda” qəzetinə müsahibəsində bildirmişdi ki, 27 üzv dövlət Avropa Komissiyasının Qazaxıstanla readmissiya haqqında sazişlə (dövlətin öz vətəndaşlarının qaytarılmasına razılığı) paralel olaraq viza rejiminin sadələşdirilməsinə dair sazişin bağlanması üzrə danışıqlara başlayacağı ideyasını dəstəkləyib.
2023-cü ilin mayında Qazaxıstan Xarici İşlər Nazirliyi respublikanın Avropa İttifaqı ilə viza rejiminin yumşaldılması ilə bağlı rəsmi məsləhətləşmələr aparacağını, bunun üçün tələb olunan sənədlərin siyahısının azaldılması və vizaların müddətinin və tezliyinin artırılmasını nəzərdə tutacağını açıqlayıb. Qazaxıstanın özündə 2017-ci ildən bütün Aİ ölkələri üçün vizasız rejim qüvvədədir; biznes və turizm əlaqələrini inkişaf etdirmək üçün birtərəfli qaydada tətbiq edilib.
Musavat.com
XƏBƏR LENTİ
31 Mart 2025
ŞƏRHLƏRŞƏRH YAZ