Onlayn ictimai-siyasi qəzet
Avropa ABŞ-dan idxal olunan bu məhsullara əlavə rüsum tətbiq edəcək
Avropa İttifaqı ABŞ prezidenti Donald Trampın “qarşılıqlı” ticarət siyasətinə cavab olaraq fermerlərini qorumaq üçün “müxtəlif standartlarda” istehsal olunan ərzaq məhsullarının idxalını qadağan etməyi planlaşdırır.
Musavat.com xəbər verir ki, məlumatı “Financial Times” (FT) rəsmi mənbələrə istinadən yayıb.
Nəşrin məlumatına görə, belə bir qara siyahıya ilkin olaraq ABŞ-ın soya kimi bitkiləri daxil ola bilər, çünki onlar “Aİ fermerlərinin istifadə etməsi qadağan olunan pestisidlərdən istifadə edilməklə yetişdirilir”.
Avropa Komissiyası (AK) həmçinin gələcək ticarət müqavilələrinə heyvanların rifahının müdafiəsinin “daha yüksək standartlarını” daxil etməyi planlaşdırır. Aİ-nin digər məsələlərlə yanaşı, toyuq və buzovların yetişdirildiyi binaların ölçüsü və təmizliyi ilə bağlı qaydaları var ki, bu da fermerlərin xərclərini artırır.
Avropanın səhiyyə və baytarlıq məsələləri üzrə Komissarı Oliver Varhelinin sözlərinə görə, “parlamentdən, üzv dövlətlərdən və fermerlərdən AB-dəki qadağaların idxal olunan məhsullara da şamil edilməli olduğuna dair çox aydın siqnallar var”.
AK daha əvvəl yaydığı bəyanatda qeyd edib ki, Brüssel ABŞ-ın “qarşılıqlı” ticarət siyasətini yanlış istiqamətdə atılan addım hesab edir və sərt və dərhal cavab verəcəyini vəd edir. Komissiya vurğulayıb ki, Aİ azad və ədalətli ticarətə, o cümlədən tariflərin qanuni və ayrı-seçkiliyə yol verməyən siyasətlərə etiraz etmək üçün istifadə edildiyi yerlər də daxil olmaqla, əsassız maneələrə gecikmədən cavab verəcək.
Musavat.com
XƏBƏR LENTİ
20 Fevral 2025
19 Fevral 2025
ŞƏRHLƏRŞƏRH YAZ