Onlayn ictimai-siyasi qəzet
Anar Vəziroğlu yenə dava saldı: “Özünə gəl!” - VİDEO
Müğənni İbrahim Borçalı ilə şair və jurnalist Anar Vəziroğlu arasında mübahisə yaşanıb.
Musavat.com yenisabah.az-a istinadən xəbər verir ki, buna səbəb müğənninin ifa etdiyi mahnıda ölən anadan bəhs olunmasına baxmayaraq, mahnının ritmik olması olub.
Anar Vəziroğlu buna görə ifaçını canlı efirdə tənqid atəşinə tutub:
"Anar Vəziroğlu kimi bir mərdimazar çıxır qarşınıza və sözünü sizə deyir. Mahnıda vəhdət yoxdur. Söz musiqini öldürür. Amma musiqi sözü dirildir. Ola bilər ki, yaxşı oxuyursan. Sənə böyük hörmətim var. Allah oğluna rəhmət eləsin. Amma bu mahnı yerində deyil!"
Bu sözlər İbrahim Borçalını özündən çıxarıb:
"Sənin ixtiyarın yoxdur, mənimlə belə danışmağa. Bəsdir, sən ünvanını səhv salmısan. Özünə gəl! Sənin mənimlə danışmağa ixtiyarın belə çatmır. 24 ildir ki, sənətdəyəm və mən bu verilişə gəlməmişəm ki, mahnıma kimsə söz desin".
Bundan sonra İbrahim Borçalı studiyanı tərk etmək istəyib, lakin onu geri qaytarıblar.
XƏBƏR LENTİ
26 Noyabr 2024
ŞƏRHLƏRŞƏRH YAZ