Onlayn ictimai-siyasi qəzet
Alimlərdən SENSASİON kəşf: İlkə imza atıldı - FOTO
Alimlər Antarktidada, A-84 aysberqinin qopması sonrası, buzun altında inkişaf edən ekosistemi kəşf ediblər.
Musavat.com xəbər verir ki. Şmidt adına Okean İnstitutunun rəhbərlik etdiyi beynəlxalq alimlər qrupu, VI Georq buz şelfinin altındakı dəniz sahəsini ilk dəfə tədqiq edib. Aysberq 13 yanvar 2025-ci ildə şelfdən ayrılıb və ekspedisiya 25 yanvar tarixində bu əraziyə çatıb.
Komanda, dənizin dibini 1300 metr dərinliyə qədər araşdıraraq burada böyük mərcanlar, süngərlər, buz balıqları, dəniz hörümçəkləri və aktapodlar tapıblar. Bu ekosistemlərin yüz illər boyu buzun altında mövcud olduğu ehtimal edilir. Alimlər, bu həyat formalarının qida maddələrini okean axınları vasitəsilə əldə etdiklərini düşünürlər, çünki ərazini 150 metr buz örtüyü tamamilə Günəş işığından və səth resurslarından izolyasiya edir.
Ekspedisiya həmçinin bölgənin geologiyası və fiziki xüsusiyyətlərini araşdırıb, buzlaqların ərimiş sularının okeanın kimyəvi və fiziki təsirlərini öyrənmək üçün sualtı nəqliyyat vasitələrindən istifadə edib. Bu kəşf iqlim dəyişikliyinin Antarktika buz təbəqəsinə və dəniz səviyyələrinə təsirlərini daha yaxşı anlamağa kömək edəcək. Bu tədqiqat, ekstremal şəraitdə həyatın davam etmə formasını və iqlim dəyişikliyinin Antarktikaya olan təsirini araşdırmağa imkan yaradıb.
Musavat.com
XƏBƏR LENTİ
24 Mart 2025
ŞƏRHLƏRŞƏRH YAZ