Onlayn ictimai-siyasi qəzet
AFRİKA İSTİLƏRİ GƏLİR: "Bu həftə iyun havasını hiss edəcəyik'
Mart ayının başlaması ilə qışın izləri sürətlə silinməyə başlayıb və son günlərdə günəşli havaların təsiri ilə temperatur əhəmiyyətli dərəcədə artıb. Afrikadan gələn isti hava dalğası Aralıq dənizi üzərindən Türkiyəyə daxil olub.
Musavat.com xəbər verir ki, meteorologiya mühəndisi Adil Tekin verdiyi məlumata görə, bu həftə ərzində temperatur dəyərləri iyun ayının əvvəlində müşahidə edilməli olan səviyyələrə çatacaq.
Qlobal miqyasda iqlim dəyişikliyinin təsiri hər keçən gün daha da nəzərə çarpır. 2025-ci ilin fevral ayı qeydə alınan ən isti üçüncü ay olaraq diqqət çəkib. Copernicus İqlim Dəyişikliyi Xidmətinə görə, planetin orta temperaturu 1991-2020 ortalamasından 0,63 dərəcə yüksək olub. La Nina fenomeninə baxmayaraq, qlobal temperaturlar daha yüksək səviyyələrə çatıb.
"Bu təsirləri bu ay daha aydın şəkildə görməyə başladıq. Ölkədə qışın izləri sürətlə yoxa çıxarkən, İstanbul və digər bölgələrdə temperatur artmağa başlayıb. Afrikadan gələn isti hava dalğasının ölkə daxilində təsirini göstərməsi gözlənilir" - mütəxəssis qeyd edib.
Meteorologiya eksperti Adil Tek hər ay daha çox istiləşmə gözləmədiyini, lakin ümumi meyldə bir temperatur artışı olduğunu qeyd edir. Bunun əsas səbəblərindən biri dəniz suyu temperaturlarının artmasıdır. El Nino və La Nina kimi hadisələr dəniz suyu temperaturlarını təsir edərək, qlobal temperaturları artırır. Lakin bu artış dünya üzrə homojen şəkildə paylanmır və bəzi bölgələr daha çox təsirlənir.
Musavat.com
XƏBƏR LENTİ
10 Mart 2025
ŞƏRHLƏRŞƏRH YAZ