Onlayn ictimai-siyasi qəzet
ABŞ Tayvana 300 milyon dollarlıq F-16 hissəsi satır
ABŞ Dövlət Departamenti Tayvana 300 milyon dollar dəyərində “F-16” qırıcılarının ehtiyat hissələrinin satışını nəzərdə tutan müqaviləni təsdiqləyib.
Musavat.com xəbər verir ki, bu barədə məlumatı ABŞ Müdafiə Nazirliyinin təhlükəsizlik sahəsində əməkdaşlıq üzrə agentliyi açıqlayıb. Agentlik hökumətlərarası müqavilələr əsasında xaricə hərbi texnika və silahların tədarükünə cavabdehdir.
Agentliyin açıqlamasına əsasən Taypey İqtisadi və Mədəniyyət Nümayəndəliyi (adanın faktiki səfirliyi) F-16 üçün ehtiyat hissələri, komponentlər, istehlak materialları, eləcə də təyyarələrə texniki xidmət tələb edib. Standart ehtiyat hissələrinin Tayvana 220 milyon dollarlıq, qeyri-standart ehtiyat hissələrinin isə 80 milyon dollarlıq satışına icazə verilir. Bəyanatda mümkün sövdələşmənin ABŞ qanunlarını pozmadığı və ölkənin döyüş hazırlığına zərər verməyəcəyi qeyd edilir.
Amerika administrasiyası artıq bu qərarla bağlı Konqresə məlumat verib. İndi Qanunverici orqanın potensial sövdələşməni nəzərdən keçirmək və potensial olaraq onu bloklamaq üçün 30 günü var. Tayvan Hərbi Hava Qüvvələri təxminən 140 F-16 qırıcısına malikdir.
Musavat.com
XƏBƏR LENTİ
24 Sentyabr 2024
23 Sentyabr 2024
ŞƏRHLƏRŞƏRH YAZ