Onlayn ictimai-siyasi qəzet
“4 Xalq artistini bir çağırır, bayağı oxuyana isə xüsusi buraxılış həsr edirlər”
Əməkdar artist Təyyar Bayramov verilişlərdən şikayətçidir.
Musavat.com axşam.az-a istinadla xəbər verir ki, bu barədə o, "Rəngarəng" verilişində danışıb.
Xanəndə aparıcıları məzəmmət edib: "Efirə çağıranda deyirlər ki, muğamı az oxuyun. Daha əhval-ruhiyəli ifalar edin".
Xalq artisti Zabit Nəbizadə onun fikirlərini təsdiqləyib. Xanəndə hətta efirdə ümumiyyətlə, muğam oxunmasını istəməyən verilişlərin olduğunu vurğulayıb:
"Deyirəm, onda məni niyə çağırmısınız? Efirlərdir, onları işıqlandıran. Meyxana deyənlər belə başlayıb mahnı oxumağa".
T.Bayramov verilişin bir bölümünün tamamilə bayağı mahnı ifa edən müğənnilərə həsr olunmasına da əsəbiləşib:
"Efirlər 4 Xalq artistini bir verilişə yığır, bayağı oxuyana isə götürüb xüsusi buraxılış həsr edirlər. Efirlər onu brendləşdirir. Sənətkarı çağırıb, ondan danışmaq lazımdır. Baxın, hansı muğam ifaçısını tək gətirib veriliş çəkmisiniz?"
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ