Onlayn ictimai-siyasi qəzet
20 milyard itirən "Porsche" görün nə İSTEHSAL EDƏCƏK - DETALLAR
Dünyaca məşhur avtomobil istehsalçısı "Porsche" şirkəti ciddi maliyyə çətinlikləri ilə üzləşib.
Musavat.com xəbər verir ki, bu barədə Almaniyanın nüfuzlu "Europäische Sicherheit und Technik" jurnalı məlumat yayıb.
Bildirilir ki, keçən il şirkət 20 milyard avro məbləğində xalis zərər edib.
Maliyyə böhranı ilə əlaqədar şirkət rəhbərliyi yeni biznes istiqamətləri axtarışındadır. Mütəxəssislərə görə, "Porsche" özünün İkinci Dünya müharibəsi dövründəki hərbi istehsal təcrübəsini yenidən canlandırmağı düşünür.
Qeyd edək ki, "Porsche" şirkəti 1940-cı illərdə "Tiger (P)", "Maus" kimi ağır tankların və "Ferdinand" özüyeriyən artilleriya qurğusunun istehsalında iştirak edib. 1960-cı illərdə isə Almaniyanın əsas döyüş maşını "Leopard-1"-in yaradılmasında mühüm rol oynayıb.
Mütəxəssislərin fikrincə, avtomobil bazarında getdikcə artan rəqabət və elektromobilə keçid prosesi "Porsche" kimi ənənəvi istehsalçıları çətin vəziyyətə salıb. Şirkətin hərbi texnika istehsalına qayıtması onun üçün yeni inkişaf imkanları yarada bilər.
Qeyd edək ki, hazırda "Porsche"nin əsas uğuru "Taycan" modeli ilə elektromobil bazarında qazandığı mövqedir. Lakin görünür, şirkət rəhbərliyi yenidən hərbi texnika istehsalçısına çevrilmək niyyətindədir.
İqbal RZAYEV,
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ